У Лідзе завяршыліся абласныя спаборніцтвы па хакеі “Залатая шайба” сярод хлопцаў 2006-2007 гадоў нараджэння і маладзейшыя ў дывізіёне “Б” у старэйшай узроставай групе.
У фінальны гульнявы дзень хакеісты дзятлаўскай каманды “Алмаз” былі мацнейшымі за навагрудчан – 7 : 2, ва ўпартай барацьбе з мінімальнай розніцай у ліку адолелі сапернікаў са Смаргонскага раёна – 1 : 0.
Ніводнага прайгранага матча, згуртаванасць і зладжанасць на лёдзе, невычэрпная воля да перамогі – усё гэта пра нашых юных хакеістаў, якія чарговы раз сталі чэмпіёнамі вобласці і праславілі родны Дзятлаўскі раён! За першае месца гульцоў “Алмаза” ўзнагародзілі медалямі і грашовымі прэміямі, каманда атрымала запаветны кубак першынства.
Лепшым нападаючым у саставе дзятлаўчан стаў Раман Котаў, на ліку якога 13 шайбаў, услед за ім 7 галамі папоўніў скарбонку нашай зборнай Уладзіслаў Касцюкевіч, тры разы вызначыўся Кірыл Урбановіч, дубль на “Залатой шайбе” аформіў Ягор Салавей, па адной выніковай атацы правялі Яраслаў Урбан і Расціслаў Гародка.
Нашы хлопцы прадставяць Гродзеншчыну на рэспубліканскіх спаборніцтвах як у малодшай, так і старэйшай узроставых групах. Дзятлаўшчына ганарыцца вамі! Больш выніковых атак і менш непатрэбных траўмаў – да перамогі!
Вадзім ФІЛІПОЎСКІ
Фота Аляксандра БЕЛАВУСА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…