16 красавіка хрысціяне праваслаўнай і каталіцкай канфесій адзначаць Уваскрэсенне Хрыстова. Актыўна рыхтуюцца да яе і дзятлаўчане.
Апошнія дні перад святам праходзяць у клопатах і закупах. Самы хадавы тавар на Велікодным кірмашы — гэта гэта святочныя кулічы, багаты выбар якіх сёлета прадастаўляе Дзятлаўскі філіял Гродзенскага аблспажыўтаварыства. Духмяны сімвал свята можна знайсці ва ўсіх магазінах раёна, дзе створаны таксама “Велікодныя куткі” з усім неабходным, каб пафарбаваць пасхальныя яйкі і прыгатаваць традыцыйныя стравы. Самы вялікі выбар — у краме “Верасок” і гіпермаркеце “Родны кут”.
— Попыт на велікодныя караваі вельмі вялікі, толькі і паспяваем абнаўляць асартымент на паліцах, — кажа загадчыца магазіна “Родны кут” Т. Трайнель. — Мы страраемся прапанаваць тавары на любы густ і кашалёк, каб у кожным доме сустрэлі Уваскрэсенне Хрыстова дастойна.
Тэкст і фота Н. АВЯРЧУК
