У Дзятлаўскай раённай бібліятэцы новае паступленне кніг.
Наталля Антонава “Разбітае сэрца Ларэлеі”. Рамантычная гісторыя герояў аповесці пачалася на чарнаморскім узбярэжжы. Насця сустрэла незнаёмца, які адразу заваяваў яе юнае сэрца. Узаемная сімпатыя, гарачы раман… І цяпер яна чакае дзіця. Аднак ці будзе працяг іх адносінаў…
Яўген Шышкін “Жаночае шчасце”. Гераіні кнігі – тры жанчыны: Вера, Марына, Тамара. Тры любові. Тры сям’і. Тры лёсы. Абставіны жыцця кожнай з гераінь даюць шанц выпрабаваць вар’яцкі запал да чалавека другога круга.
Аксана Ласоўская “У лабірынтах дажджу”. Наташа і Віка – родныя сёстры. Наташа ўпэўнена, што, нягледзячы на даволі нацягнутыя адносіны з сястрой, ведае пра яе ўсё. Але ёй паведамляюць: Віка здзейсніла забойства, а потым і сама разбілася на машыне. Наташа не верыць, што сястра магла забіць чалавека, і вырашае знайсці злыдня.
Віталь Кірпічэнка “ Выкупленне”. Галоўны герой кнігі Сяргей вярнуўся на сваю малую радзіму з пачуццём віны перад ёй. Яго жаданне адрадзіць родную вёску знайшло водгук у многіх, хто, як і ён, страціў жыццёвы арыенцір. Але для поспеху неабходны сродкі, а іх якраз і не хапае…
Наталля Антонава “Калядная казка для дарослых”. У кнігу ўвайшлі дзве аповесці пра пошукі каханых. У Ксеніі і Люсі было ўсё, акрамя кахання. Аднак менавіта яго, як правіла, і не хапае дзяўчатам для поўнага шчасця. Але сяброўкам пашанцавала.
І другая гісторыя. Вераніка была паспяховым прадпрымальнікам. Яна марыла пра каханне, сям’ю. Аднак выканаць жаданні ніяк не ўдавалася. Да таго ж аднойчы адбылася сустрэча, якая ледзь не перавярнула яе лёс… Уладзімір Гаўрыловіч “Куды ляціць анёл”. Кніга ўключае аб’яднаныя тэмамі вайны і вечнага кахання аповесці “Святая Параскева”, “Куды ляціць анёл”, “Пах чаромхі”, у якіх сутыкаюцца жыццёвыя прынцыпы: чалавечнасць і бяздушнасць.
Яўген Хвалей “Даруй, каханая”. Аўтар узнімае вельмі далікатную, але надзённую тэму двайнога жыцця мужчыны – у сям’і і паралельна з палюбоўніцай.
Інга ЛАЎРАНЮК,
бібліятэкар аддзела абслугоўвання і інфармацыі
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga