Напрыканцы кастрычніка настаяцель прыхода храма святых князёў Барыса і Глеба вёскі Накрышкі іерэй Аляксей Сцепановіч пасля заканчэння літургіі здзейсніў чын асвячэння купала і крыжа на царкву Святых Барыса і Глеба.
Затым святар звярнуўся да вернікаў са словамі духоўнага настаўлення: «У царкве ўсё сімвалічна. На розных храмах усталёўваюць розную колькасць купалаў. І ўсё гэта мае глыбокі духоўны сэнс. У нашага храма адзін купал залацістага колеру, які сімвалізуе Адзінага Бога і Нябесную славу…».
Святар падзякаваў усім, хто прымаў удзел у зборы сродкаў на купал для храма.
С. ГРЫШЫНА
