У паветры адчуваецца подых Новага года.
Прычынай таму снег і мароз, якія заснаваліся з канца лістапада, святочнае ўпрыгажэнне і падарункі ў гандлёвай сетцы, навагодняя ілюмінацыя ў горадзе і жылых дамах, але самае важнае – з’яўленне на плошчы 17 Верасня ў Дзятлаве галоўнай гераіні святаў – сямнаццаціметровай зборнай ёлкі.
У гэтым годзе ў састаў цэнтральнай ёлкі раёна ўвайшло каля 500 ёлак з усіх лясніцтваў Дзятлаўшчыны, замацаваных на зборных каркасах, мантажом якіх займаліся рабочыя РУП ЖКГ. Цяпер электрыкі прадпрыемства ўсталёўваюць на ёй святочную ілюмінацыю.
– Сёлета на навагоднюю ёлку будзе замацавана 12 вертыкальных гірляндаў, папярэчны серпантын, ёлачныя цацкі як з падсветкай, так і без яе, – расказаў майстар энергетычнага ўчастка Андрэй Саўчыц. – Некалькі гірляндаў і цацак дадаліся ў гэтым годзе, так што ёлка будзе больш яркай. Таксама мы замянілі пускавую апаратуру на больш надзейную, што станоўча паўплывае на бесперабойную работу ёлачнай падсветкі.
Што тычыцца ілюмінацыі на вуліцах горада, па словах Андрэя Уладзіміравіча, яна сёлета не будзе істотна мяняцца. Дзятлаўчане ўжо цяпер могуць назіраць знаёмыя электрычныя навагоднія аркі, сакуры, дэкаратыўныя элементы на дрэвах і ліхтарах і любімы гараджанамі навагодні цягнічок на вуліцы Навагрудскай.
Некалькі гадоў запар Дзятлаўскае РУП ЖКГ падтрымлівае заснаваную ім жа традыцыю выстаўляць у горадзе сімвал надыходзячага года. Ці прадоўжыцца яна сёлета, расказаў дырэктар арганізацыі Васіль Пяцюк:
– Так, мы прадаўжаем гэту добрую традыцыю: заяц, сімвал 2023 года, ужо заняў сваё пачэснае месца побач з нашым адміністрацыйным будынкам. Сімвалы мінулых гадоў “пераязджаюць” з нашай тэрыторыі ў гарадскі парк, бліжэй да цэнтра навагодніх святкаванняў.
Па словах камунальнікаў, да 10 снежня будуць закончаны работы па ўсталяванні і ўпрыгажэнні галоўнага навагодняга дрэва Дзятлаўшчыны. У сярэдзіне месяца калючая зялёная прыгажуня пад песні, шэсці і карагоды запаліць свае агні для ўсіх жыхароў раёна.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Рамін Чабанаў, гаспадар магазіна “Фруктовая крама”, што знаходзіцца па вуліцы Леніна ў горадзе Дзятлаве, родам…
У горадзе Дзятлаве па вуліцы Слонімскай, 27 працуе фірменны магазін айчыннага вытворцы “Мэбля Пінскдрэў”, які…
Паважаныя работнікі і ветэраны галіны гандлю! Прыміце шчырыя віншаванні з прафесійным святам! Ваша галіна ўносіць…
Пытанне: што чакае маладога спецыяліста, які не выйшаў на работу па размеркаванні? Адказ: такі факт…
31 июля Госавтоинспекция проведет Единый день безопасности дорожного движения, посвященный пропаганде использования ремней безопасности, детских удерживающих устройств и мотошлемов.…
Звычайны дзень у сельскім выканаўчым камітэце: хтосьці просіць пахадайнічаць аб больш спрыяльным раскладзе аўтобусаў, другі…