— Праглядаючы стужкі навін у сацыяльных сетках, ловіш сябе на думцы, што ў галаве пастаянна гучыць мелодыя Віктара Цоя аб чаканні пераменаў.
Прагрэс змушае ўсіх нас мяняцца — ад гэтага не сысці, але эвалюцыя не значыць рэвалюцыя, бо змены могуць быць фатальнымі… Свет сёння — нягледзячы на, здавалася б, глабалізацыю, якая аб’ядноўвае ўсіх (або стрыжэ ўсіх пад адзін грабянец) знаходзіцца ў такім дысбалансе і разгубленасці, што на розум прыходзяць хіба толькі аналогіі з нашэсцем варвараў, што парушаюць цывілізацыю, пераступаюць праз каштоўнасці, культуру памяці, традыцыі. Вельмі хочацца верыць, што гэта не наш сцэнар, не сцэнар краіны, дзе дзейнічае прынцып пераемнасці пакаленняў і захавання лепшых дасягненняў мінулага.
Амаль траціна нашага сучаснага насельніцтва нарадзіліся ў суверэннай Беларусі. Гэта юнакі і дзяўчаты, якія ўспрымаюць рэчаіснасць ужо з пункту гледжання жыхароў самастойнай еўрапейскай дзяржавы. І, безумоўна, гэтым маладым людзям прыйшоў час актыўна ўключацца ў палітычнае жыццё краіны, але думаючы пра канкурэнтназдольнасць, асабістыя амбіцыі і танную папулярнасць, не варта забываць пра тое, чаго нам каштавалі наш суверэнітэт і незалежнасць.
У гэты нестабільны час нам усім варта вучыцца выбудоўваць дыялог пакаленняў на аснове ўзаемнага даверу і павагі, дыялог, які будзе садзейнічаць устойліваму развіццю краіны, дыялог, у якім вопыт і інавацыі, мудрасць і рашучасць, асцярожнасць і смеласць знаходзяцца ў гармоніі і згодзе.
І калі даслухаць песню Цоя да канца, а не зацыклівацца на фразе «Мы чакаем пераменаў», з’яўляюцца новыя сэнсы: «Мы не можем похвастаться мyдpостью глаз и yмелыми жестами pyк, нам не нyжно все это, чтобы дpyг дpyга понять,… и вдpyг нам становится стpашно что-то менять».
Надышоў час прыслухацца да сябе, паспрабаваць спрагназаваць сваё заўтра, узважыць усе «за» і «супраць», бо ламаць — не будаваць…
zviazda.by
Подписывайтесь на телеграм-канал «Гродно Медиа Group» по короткой ссылке @GrodnoMediaGroup
Лета – час крыху расслабіцца, адпачыць ад некаторых клопатаў і абавязкаў. Але не ад уплаты…
Вспышки паров бензина, ацетона, бензола, некоторых спиртов и эфиров нередко становятся причиной возгораний, в которых…
Навядзенне парадку на зямлі – не толькі пра чысціню і прыгажосць, але і пра элементарны…
Железнодорожный переезд – это место с особо высоким уровнем опасности, где от любого водителя требуется…
15 июля на спортивных площадках города дан старт турниру по мини-футболу «Футбольные каникулы»! Теперь каждую…
В аг. Радунь Вороновского района с участием губернатора проходит семинар-совещание по подведегию итогов работы аграрной отрасли…