Пад эгідай абласнога камітэта ГА “БРСМ” у Гродне прайшоў абласны злёт патрыятычных клубаў, прымеркаваны да Дня народнага адзінства.
Дзятлаўшчыну прадставіў клуб “Мужнасць” Казлоўшчынскай сярэдняй школы, які па выніках спаборніцтваў заваяваў другое месца.
У яго ўвайшлі навучэнцы 10 і 11 класаў з кіраўніком ваенна-патрыятычнага выхавання Станіславам Буяком. Аб’яднанне на працягу двух гадоў дзейнічае на базе школы, рэалізуючы задачы па патрыятычнай, цімураўскай, экалагічнай рабоце.
Старт злёту, што аб’яднаў 160 маладых патрыётаў краіны, быў дадзены ў гродзенскім парку Жылібера. Там адбыўся мітынг з ускладаннем кветак да брацкай магілы савецкіх воінаў і партызан: удзельнікі злёту ўшанавалі памяць тых, хто аддаў свае жыцці за мірную будучыню. Затым маладыя людзі ў суправаджэнні аркестра маршам прайшлі па вуліцах абласнога цэнтра да плошчы Савецкай, дзе разгарнуліся асноўныя мерапрыемствы свята.
Праграма спаборніцтваў уключала завочны этап – відэапрэзентацыю клуба, а таксама вочныя: спартакіяду, у час якой удзельнікі злёту дэманстравалі свае навыкі ў разборцы і зборцы аўтамата, страявой падрыхтоўцы, праходзілі паласу перашкод (у гэтым этапе нашы школьнікі сталі лепшымі).
У час конкурсу “Раўненне на героя” каманды ў творчай форме прадставілі біяграфіі герояў Вялікай Айчыннай вайны, іх несмяротныя ўчынкі і подзвігі. Прадстаўляючы праект, магчымасць “сесці за парту” са славутым земляком Іосіфам Філідовічам, які ў гады Вялікай Айчыннай вайны паўтарыў подзвіг Івана Сусаніна, атрымаў удзельнік Міжнароднага злёту эколагаў, прызёр занальнага этапу конкурсу “100 ідэй для Беларусі” адзінаццацікласнік Артур Мазоль.
– Мы – пакаленне, у імя якога аддалі свае жыцці мільёны нашых дзядоў і прадзедаў. Мы – будучыя абаронцы Айчыны, а значыць, наша задача ўжо сёння беражліва захоўваць мір на роднай зямлі, быць патрыётамі, – адзначыў ён.
На ўрачыстым закрыцці патрыятычнага мерапрыемства лепшых з лепшых па выніках усіх выпрабаванняў узнагародзілі граматамі і падарункамі.
Наталля АВЯРЧУК
Фота з архіву
Дыялогавая пляцоўка “7 лістапада: гісторыя, якую мы захоўваем” прайшла ў раённай бібліятэцы. Дзятлаўчане сабраліся, каб…
Напярэдадні свята сельскай гаспадаркі і перапрацоўчай прамысловасці аграрыі і жывёлаводы Дзятлаўшчыны адправяцца ў Гродна, каб…
У каждого края есть имена, которые выходят далеко за пределы родных границ, становясь предметом гордости…
С наступлением осенне-зимнего периода социальные работники и помощники по уходу отделения социальной помощи на дому…
Президент Беларуси Александр Лукашенко совершит рабочую поездку в Могилевскую область, где ознакомится с реализацией современных…
Жыхары вёскі Руда Яварская атрымалі цудоўны падарунак да 7 лістапада. https://www.youtube.com/embed/L4pgyoMLO2A Напярэдадні свята з удзелам…