На малую радзіму — з падарункамі

Сёлета ў студзені на Дзятлаўшчыне праходзіла адна з важных і маштабных падзей — рэспубліканскі семінар-нарада для кіраўнікоў раённых аб’яднанняў прафсаюзаў. 

У рамках гэтага мерапрыемства ў Наваельнянскай сярэдняй школе адбылася справаздачна-выбарная канферэнцыя пярвічнай прафсаюзнай арганізацыі ААТ “Граніт-Агра”.  Педкалектыў аказаў значную дапамогу ў правядзенні сходу, а юныя таленты школы радавалі прафсаюзных актывістаў нашай краіны яркімі выступленнямі.

А як вядома, любая добрая справа не бывае незаўважанай: прадстаўнікі Федэрацыі прафсаюзаў Беларусі ад імя яе старшыні Міхаіла Орды падзякавалі навучэнцам і педагагічнаму калектыву Наваельнянскай сярэдняй школы за актыўны ўдзел і дапамогу ў правядзенні такога важнага мерапрыемства.

Сакратар Федэрацыі прафсаюзаў Беларусі па міжнароднай рабоце Ганна Варфаламеева і дырэктар установы «Дырэкцыя па кіраванні ўласнасцю Федэрацыі прафсаюзаў Беларусі» Мікалай Мацюкевіч падарылі школе тэнт-шацёр, а маленькім артыстам — швейцарскія школьныя рукзакі з канцылярскімі прыладамі.

Атрымала падарунак ад ФПБ намеснік дырэктара па выхаваўчай рабоце Наталля Курэц.

На рэспубліканскім ўзроўні была адзначана работа старшыні пярвічнай прафсаюзнай арганізацыі ААТ “Граніт-Агра” Алены Зенчык. За стараннасць, адказнасць і адданасць рабоце яна атрымала медаль «110 гадоў Федэрацыі прафсаюзаў Беларусі».

ААТ «Граніт-Агра» ад Федэрацыі прафсаюзаў перадалі ў якасці падарунка камп’ютар.

Юлія БАКУНОВІЧ