Сёлета аграрыям раёна належыць убраць ураджай збожжавых і зернебабовых культур на плошчы 16 398 гектараў і 5865 гектараў рапсу.
Жніво-2025 пачалося з уборкі азімага ячменю, да якой ужо прыступілі ў КСУП “Войневічы”. Сёння да ўборачнай кампаніі плануе далучыцца СГФ “АграМілк”, да канца тыдня падключыцца ААТ “Граніт-Агра”.
Прадаўжэннем кампаніі стане ўборка азімых рапсу і пшаніцы, пад якія выдзелены самыя значныя зямельныя плошчы. Чатыры гаспадаркі раёна сёлета будуць убіраць грэчку і толькі ААТ “Дварэц-Агра” – проса.
Ва ўпраўленні сельскай гаспадаркі і харчавання райвыканкама адзначаюць, што працэс уборкі ўраджаю сёлета істотна ўскладнены нестабільнымі ўмовамі надвор’я. Аднак тэхніка і самі хлебаробы гатовы да сапраўднай бітвы за ўраджай. Будуць прыкладзены ўсе намаганні, каб жніво-2025 прайшло максімальна эфектыўна, без перапынкаў і стратаў.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#сельское хозяйство #АПК
