Стала добрай традыцыяй у час канікул запрашаць да сябе ў госці вучняў з другіх школ для правядзення сумесных мерапрыемстваў. Гэтыя восеньскія канікулы не сталі выключэннем.
З мэтай папулярызацыі здаровага ладу жыцця, прафілактыкі шкодных звычак 5 лістапада адбылася сяброўская сустрэча па валейболу “Мы разам супраць наркотыкаў!” сярод каманд Казлоўшчынскай сярэдняй школы, Вензавецкага дзіцячага сада-сярэдняй школы, Навасёлкаўскага дзіцячага сада-базавай школы Слонімскага раёна. Перамога засталася за гаспадарамі – камандай Казлоўшчынскай СШ. Усе ўдзельнікі ўзнагароджаны граматамі і сувенірамі.
“Але не самае галоўнае, за кім засталася перамога. Галоўнае – гэта стасункі, новыя знаёмствы, гэта тое, што мы разам за здаровы лад жыцця, супраць наркотыкаў,” – сцвярджае Валерыя Гушча, капітан каманды Казлоўшчынскай сярэдняй школы.
Наталія Каўцэвіч,
педагог-арганізатар Казлоўшчынскай сярэдняй школы
