У сучаснай літаратуры для падлеткаў ёсць аўтары, якія ўмеюць гаварыць з чытачом на роўных аб складаных і важных тэмах: сяброўстве, каханні, канфліктах з бацькамі і пошуку свайго месца ў жыцці.
Дзятлаўская раённая бібліятэка прапануе кнігі для чытання, якія дапамогуць дзецям паглядзець на сябе з боку вачыма аўтараў.
Ульяна Арлова “Праз церні да… дома”. Антон Вітаркоў жыве ў інтэрнаце, куды яго аддалі бацькі, якія паехалі на заробкі за мяжу. Хлопец моцна пакутуе ад адзіноты і пастаянных сутычак з мясцовымі хуліганамі і вырашае ўцячы ў свой родны горад. Па дарозе ён падбірае малога Слаўку, які адбіўся ад бацькоў. Разам хлопчыкі адпраўляюцца ў нялёгкі і далёкі шлях…
Дзмітрый Мікалаеў “Мая сяброўка Караліна”. Падлеткавы ўзрост – гэта не толькі спрэчкі з бацькамі, але і пачатак новага этапу ў жыцці. Вось і для звычайнай дзяўчынкі Нікі, галоўнай гераіні аповесці, надышоў час новых сяброў і новых адносінаў…
Валянціна Быстрымовіч “Малако аднарога”. Галоўныя гераіні –пятнаццацігадовыя сяброўкі і аднакласніцы Янка і Галка. Яны ва ўсім падтрымліваюць адна адну і ніколі не кідаюць у бядзе. Цікавых ідэй у іх незлічонае мноства. Дзяўчынкі ідуць наперад з уласцівым іх узросту юнацкім максімалізмам, асабліва не аглядаючыся на перашкоды…
У кнігу Таццяны Шыпрошынай “Паход” увайшлі дзве аповесці – “Паход” і “Без двукоссяў”. Сяброўства, каханне, здрада. У паходзе выпрабоўваюцца не толькі моц ног і сіла рук – там правяраюцца душы. Героі аповесці “Без двукоссяў” перажываюць першае каханне. У гэтым пачуцці галоўнае – не хлусіць. Няма нічога больш цудоўнага і больш складанага, чым пражыць сваё жыццё без двукоссяў…
Серыя “Выпускны клас” 16+
Наталля Корсакава “Вінавата таямніца”. Гісторыя пра дзяўчынку Лену, якая прыходзіць у новую школу і ў новы клас. Мама Лены – сучасная бізнесвумэн – адкрывае чарговы філіял сваёй фірмы ў невялікім мястэчку, куды яны з дачкой вымушаны пераехаць. Як прымуць Ленку ў новым калектыве?
Алена ЯКАЎЧЫК,
бібліятэкар Дзятлаўскай раённай бібліятэкі
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#библиотека #книги
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga