На Гродзеншчыне праходзіць акцыя Беларускага рэспубліканскага саюза моладзі “Свету – сад”, прымеркаваная да 75-годдзя Перамогі ў Вялікай Айчыннай вайне і скіраваная на пасадку пладовых дрэваў.
30 красавіка да акцыі далучылася моладзь Дзятлаўшчыны: маладая вішнёвая алея высаджана ў двары Вензавецкага дзіцячага сада-сярэдняй школы.
Каб паўдзельнічаць у пасадцы дрэваў сюды накіравалася першы сакратар раённага камітэта ГА “БРСМ” Кацярына Хілімончык. Актывістам пярвічкі ГА “БРСМ” Вензавецкага дзіцячага сада-сярэдняй школы моладзевы лідар расказала, што акцыю “Свету – сад” плануецца зрабіць штогадовай. Яна будзе, як і сёлета, праходзіць напярэдадні 9 Мая. Пладовыя дрэвы, якія саджае моладзь, сімвалізуюць дабрабыт і мірнае жыццё нашай краіны. Яны нагадваюць аб цане подзвігу пакалення Вялікай Айчыннай вайны, якое здабыла для нас свабоду. Абавязак моладзі – ніколі не забываць пра гэта.
Вензавецкія школьнікі спорна ўзяліся за работу. Добраму настрою спрыяла сонечнае надвор’е, а па наваколлі, як яшчэ адзін напамін пра мір і вясну, разносіўся клёкат буслоў: іх гняздо знаходзіцца побач з будынкам школы. Навучэнцы справіліся з заданнем за лічаныя хвіліны. Напрыканцы моладзь і настаўнікі згадзіліся падзяліцца ўражаннямі ад удзелу ў добрай справе.
Уладзімір Ківуля, навучэнец Вензавецкага дзіцячага сада-сярэдняй школы:
– Мне спадабалася акцыя “Свету – сад”. Лічу, што яна карысная, бо не толькі захоўвае памяць аб вайне, але і паляпшае экалогію. Упэўнены, што трэба берагчы прыроду, азеляняць гарады і вёскі, каб забяспечыць будучыя пакаленні чыстым паветрам. А высаджаныя каля нашай школы пладовыя дрэвы будуць прывабліваць сюды вучняў і ў сезон “частаваць” іх вішнямі.
Аксана Роўба, педагог Вензавецкага дзіцячага сада-сярэдняй школы:
– Маладыя вішнёвыя дрэўцы сёння ў двары школы саджалі адзінаццацікласнікі. Так яны пакінуць аб сабе добрую памяць на доўгія гады, а на прышкольнай тэрыторыі ўраджаем вішань будуць з задавальненнем частавацца мясцовыя вучні. Паколькі вішнёвая алея яшчэ і юбілейная, то яна будзе ўсім нам нагадваць пра 75-годдзе Вялікай Перамогі.
Ірына СТЫРНІК
Подписывайтесь на телеграм-канал «Гродно Медиа Group» по короткой ссылке @GrodnoMediaGroup
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Новые нормы закреплены в Кодексе об административных правонарушениях. В первую очередь речь идёт о борщевике…
Состояние всех пострадавших в Брянской области пациентов после первой проведенной в учреждениях здравоохранения Минска ночи…
В Беларуси скошено трав первым укосом на площади 1200 тыс. га, что составляет 85% от…
Комитетом государственного контроля Гродненской области при проверке одного из районных управлений капитального строительства, выполняющего функции…
Президент Беларуси Александр Лукашенко в ходе рабочей поездки в Узденский район Минской области ознакомится с…