На Дзятлаўшчыне ў рамках раённай цімураваланцёрскай тэматычнай чатырохдзёнкі “Вясенні марафон добрых спраў” да Года беларускай жанчыны адбылася яркая анлайн-падзея, закліканая натхніць новае пакаленне на здзяйсненне добрых спраў.
Каардынатар раённага валанцёрскага клуба “Мы разам!” Ірына Мішчанка пры падтрымцы членаў савета валанцёраў Ангеліны Ванчук і Таццяны Ступчык правяла захапляльны фрыстайл “Краўдфандынг-кампанія: “Натхняем на добрыя справы!”.
У анлайн-прасторы мерапрыемства сабрала членаў цімураўскіх і валанцёрскіх атрадаў раёна і было нацэлена на самае важнае: даць юным актывістам ключ да рэалізацыі іх самых смелых сацыяльных праектаў і ініцыятыў. У эпоху лічбавых тэхналогій, калі магчымасці для аб’яднання намаганняў і прыцягнення рэсурсаў бязмежныя, разуменне асноваў краўдфандынгу становіцца не проста карысным навыкам, але і інструментам для змяненняў.
Ірына Анатольеўна, Ангеліна і Таццяна правялі ўдзельнікаў анлайн-мерапрыемства праз захапляльны свет краўдфандынгу, дасціпна і наглядна патлумачылі яго прынцыпы. Яны расказалі, як правільна сфармуляваць ідэю праекта, стварыць прывабную гісторыю, якая знойдзе водгук у сэрцах людзей, і эфектыўна выкарыстоўваць анлайн-платформы для збору сродкаў. Асаблівая ўвага была нададзена таму, як важна не проста прасіць аб дапамозе, а натхняць людзей стаць часткай важнай добрай справы.
Кульмінацыяй анлайн-фрыстайлу стала агульнае дзеянне, што натхніла ўсіх удзельнікаў: кожны зрабіў свой “карабельчык мары”. На іх моладзь напісала думку-дэвіз сустрэчы: “Запускайце свае кампаніі і мяняйце свет да лепшага!”. Гэты просты заклік стаў значным стымулам для далейшай дзейнасці валанцёраў.
Дзякуючы такім ініцыятывам, як анлайн-фрыстайл “Краўдфандынг-кампанія: “Натхняем на добрыя справы!”, юныя валанцёры атрымліваюць не толькі веды, але і ўпэўненасць у тым, што іх добрыя задумы могуць стаць рэальнасцю і змяніць жыццё да лепшага.
Уладзіслава УРБАН,
карэспандэнт моладзевага медыяцэнтра “КУБ” Дзятлаўскага раённага цэнтра дадатковай адукацыі дзяцей і моладзі
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga