На Дзятлаўшчыне для членаў дзіцячай палаты і гарадскога піянерскага штаба раённага савета ГА “БРПА” адбыўся анлайн-таймінг “Імідж піянерыі Дзятлаўшчыны”.
Мерапрыемства ладзілася ў рамках закрыцця раённай тэматычнай пяцідзёнкі “Юныя героі ў гісторыі” і было прымеркавана да Міжнароднага дня юнага героя-антыфашыста.
У час сустрэчы яе ўдзельнікі яшчэ раз узгадалі імёны і подзвігі піянераў-герояў Беларусі, пагаварылі аб іх значнасці і ролі ў гісторыі краіны.
Удзельнікі анлайн-таймінгу таксама далучыліся да дыягностыкі “Я – лідар”, якая дапамагла ацаніць іх асабістыя якасці і лідарскі патэнцыял. Шмат увагі было нададзена дасягненням піянерскіх дружын у 2025 навучальным годзе.
Напрыканцы сустрэчы піянеры разам змайстравалі сімвалічных галубоў міру з паперы, чым выказалі свае спадзяванні на сяброўства і надзею. Анлайн-мерапрыемства прайшло ў цёплай сяброўскай атмасферы і натхніла школьнікаў на новыя карысныя справы, якія паслужаць для ўмацавання адзінства піянерскага руху Дзятлаўшчыны.
Ксенія ПЫШКО, Ксенія АХРАМОВІЧ,
карэспандэнты моладзевага медыяцэнтра “КУБ” Дзятлаўскага раённага цэнтра дадатковай адукацыі дзяцей і моладзі
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
