Яркай падзеяй у жыцці юных патрыётаў Дзятлаўшчыны стаў раённы этап Рэспубліканскага піянерскага патрыятычнага фестывалю “Агеньчык запрашае сяброў!” у намінацыі “Сцяг-шоу”.
Больш падрабязна пра піянерскае свята расказала старшыня раённага савета ГА “БРПА” Ірына Мішчанка:
– Фестываль сабраў самых актыўных і творчых школьнікаў раёна. Конкурс скіраваны на грамадзянска-патрыятычнае выхаванне падрастаючага пакалення, папулярызацыю дзейнасці грамадскіх аб’яднанняў “Беларуская рэспубліканская піянерская арганізацыя” і “Беларускі рэспубліканскі саюз моладзі”.
Спаборнічалі каманды членаў ГА “БРПА” ва ўзроставай катэгорыі ад сямі да дзесяці гадоў, а таксама ад адзінаццаці да трынаццаці з установаў агульнай сярэдняй адукацыі Дзятлаўшчыны. Удзельнікі ў камандных выступленнях прадэманстравалі свае таленты, крэатыў і любоў да Радзімы.
Фестываль “Агеньчык запрашае сяброў!” у чарговы раз пацвердзіў сваю значнасць як пляцоўка для развіцця творчага патэнцыялу дзяцей і падлеткаў, выхавання ў іх пачуццяў гонару за сваю Айчыну і дачынення да яе гісторыі і культуры. Мерапрыемства стала сапраўдным святам сяброўства, патрыятызму і натхнення для ўсіх яго ўдзельнікаў і гледачоў.
Нам з членамі журы – галоўным спецыялістам аддзела адукацыі райвыканкама Аленай Гарановіч і першым сакратаром раённага камітэта ГА “БРСМ” Кацярынай Хілімончык – было няпроста вызначыць лепшых. Тым не менш, вынікі падведзены.
У малодшай узроставай катэгорыі другое месца заняла каманда “Зорачкі” Хвінявіцкай сярэдняй школы.
У старэйшай узроставай катэгорыі на першае месца выйшла каманда “У рытме Перамогі” Круцілавіцкай сярэдняй школы, на другім замацаваліся “Патрыёты” з гімназіі № 1 горада Дзятлава, тройку замкнулі каманда “Лідары” Казлоўшчынскай сярэдняй школы, “Мандарынкі” Гезгалаўскай сярэдняй школы імя М. І. Нядзеліна, “Агеньчык” сярэдняй школы № 1 горада Дзятлава імя А. М. Чурылы.
Ірына СТЫРНІК
Фота Ірыны МІШЧАНКА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#Дятловщина #молодежь
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga