Турызм – справа не новая, аднак для многіх пакуль не зусім зразумелая.
Які турызм бывае, у чым розніца таго ці іншага віду турызму, звычайны жыхар Дзятлава не адкажа. А розніца ёсць. Менавіта таму на працягу года Дзятлаўскі турыстычны інфармацыйны цэнтр будзе знаёміць землякоў з тымі відамі турызму, якія маюцца ў нашым раёне. І пачнём мы наша знаёмства з адукацыйнага турызму.
Адукацыйны турызм – гэта турыстычнае падарожжа, якое мае на ўвазе адукацыйныя мэты (пазнанне новага, пашырэнне агульнага кругагляду вучня, набыццё ведаў па канкрэтных прадметах у залежнасці ад месца наведвання і г.д.). А турінфацэнтр павінен арганізаваць такія турыстычныя падарожжы, што мы і зрабілі ў супрацоўніцтве з аддзелам адукацыі і школамі горада і раёна.
Пешыя падарожжы па горадзе актыўна пачалі класныя калектывы сярэдніх школ № 1 і № 3 горада Дзятлава, прычым вучні наведваюць не толькі помнікі, звязаныя з падзеямі Вялікай Айчыннай вайны, але і музеі школ-суседак. Так, вучні 6 класа сярэдняй школы № 1 горада Дзятлава наведалі музей “Вытокі”, які знаходзіцца ў сярэдняй школе № 3, а вучні 2 класа сярэдняй школы № 3 з задавальненнем акунуліся ў далёкае мінулае нашых землякоў, наведаўшы музей “Гісторыя Дзятлаўшчыны”, размешчаны сярэдняй школе № 1.
Падарожнічаць вучні будуць увесь каляндарны год – і пеша, і на аўтобусах. Большая частка такіх адукацыйных падарожжаў будзе прысвечана 80-годдзю вызвалення Рэспублікі Беларусь ад нямецка-фашысцкіх захопнікаў. Аднак Дятлаўскі турінфацэнтр можа прапанаваць і шэраг падарожжаў, якія пазнаёмяць навучэнцаў з далёкай мінуўшчынай роднага краю, са знакамітымі землякамі, прыроднымі асаблівасцямі і багаццямі Дзятлаўшчыны, помнікамі археалогіі і архітэктуры.
Мы ўпэўнены, што кожны выпускнік школы павінен ведаць гісторыю і культурныя здабыткі малой радзімы, трагічныя старонкі яе мінулага, таму прапаноўваем экскурсіі і для вучняў пачатковых класаў, і для старшакласнікаў.
Звяртайцеся да нас па тэлефоне 8-015-63- 32-5-58.
Алена АБРАМЧЫК,
спецыяліст па турызме Дзятлаўскага турінфацэнтра
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga