МАРТ інфармуе. Якія парушэнні гандлю выяўлены і спынены на Гродзеншчыне?

За дзевяць месяцаў 2026 года галоўнае ўпраўленне Міністэрства антыманапольнага рэгулявання і гандлю (далей МАРТ) па Гродзенскай вобласці правяло чатыры праверкі, якімі былі ахоплены 18 гандлёвых аб’ектаў, у тым ліку два – грамадскага харчавання. Праведзены таксама кантрольныя мерапрыемствы: маніторынгі 418 аб’ектаў і 266 суб’ектаў гаспадарання.

Па іх выніках выдадзены 244 рэкамендацыі аб ухіленні недахопаў і прыняцці мер па іх недапушчэнні ў далейшым, унесены 32 прадпісанні аб забароне вытвочасці або рэалізацыі тавараў, работ, паслуг, спынена рэалізацыя 97 найменняў тавараў з пратэрмінаванай прыдатнасцю на суму 1942 рублі.

Пры ажыццяўленні кантролю ў сферы гандлю і грамадскага харчавання асноўнымі парушэннямі з’яўляюцца:

• незахаванне пералікаў тавараў, абавязковых да наяўнасці для рэалізацыі ў гандлёвых аб’ектах, або іх адсутнасць;
• прапанова да рэалізацыі тавараў неналежнай якасці – з пратэрмінаванай годнасцю (захаваннем);
• адсутнасць цэннікаў на тавары;
• іншыя парушэнні заканадаўства аб гандлі.

Асаблівая ўвага ў рамках кантрольных мерапрыемстваў надаецца абслугоўванню пакупнікоў, якія жывуць у сельскіх населеных пунктах. За дзевяць месяцаў бягучага года праведзены маніторынгі ў 57 гандлёвых аб’ектах, 18 – грамадскага харчавання і двух – бытавога абслугоўвання, якія знаходзяцца ў сельскіх населеных пунктах Гродзенскай вобласці, сярод іх 26 належаць Гродзенскаму аблспажыўтаварыству.

Міністэрства антыманапольнага рэгулявання і гандлю заклікае суб’екты гаспадарання да захавання заканадаўства аб гандлі і грамадскім харчаванні, бытавым абслугоўванні насельніцтва, абароне правоў спажыўцоў. У далейшым кантрольныя мерапрыемствы будуць прадоўжаны для забяспячэння патрабаванняў заканадаўства і інтарэсаў спажыўцоў.

Калі ў жыхароў рэгіёна ёсць пытанні да канкрэтных аб’ектаў або неабходны тлумачэнні, можна звяртацца ў галоўнае ўпраўленне МАРТ па Гродзенскай вобласці (кантактныя тэлефоны можна знайсці на сайце МАРТ) – мы гатовы дапамагчы і патлумачыць парадак дзеянняў.

Падрыхтавала Ірына СТЫРНІК 

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga