Прэзідэнт Беларусі Аляксандр Лукашэнка разлічвае, што маладое пакаленне зберажэ і прымножыць дасягненні цяперашняга. Аб гэтым кіраўнік дзяржавы заявіў сёння ў Палацы Рэспублікі на навагоднім дабрачынным свяце для дзяцей, якое прайшло ў рамках акцыі «Нашы дзеці».
Кіраўнік дзяржавы прызнаўся, што, збіраючыся на гэту пераднавагоднюю сустрэчу, успамінаў свае дзіцячыя гады. «Яны былі шчаслівыя, таксама як і ваша дзяцінства. Многія праблемы, цяжкасці, якія дзеці тады адчувалі, мы ўбачылі толькі на адлегласці, пражыўшы шмат гадоў. Было шмат недзіцячых клопатаў, была цяжкая праца — такі час быў. Але ў нас і ў вас было адно агульнае — мы заўсёды з заміраннем сэрца чакалі гэта свята, Дзеда Мароза, які абавязкова павінен прыйсці і прынесці падарункі», — расказаў Прэзідэнт.
Вядома, заўважыў ён, падарункі, якія дарылі дзецям у тыя гады, адрозніваюцца ад сучасных. «Але, кажуць, не важна, які падарунак, важна ўвага. І сёння мы, дарослыя, вы гэта бачыце, наколькі можам, спрабуем рабіць вам падарункі, асабліва напярэдадні Новага года. Так, мы жылі ў іншы час, сёння час змяніўся, змяніліся і цацкі. Тады былі простыя, не ўсім даступныя, сёння гэта добрыя цацкі, якія развіваюць дзяцей. І мы ганарымся, што змаглі сваім дзецям стварыць такое жыццё, пры якім яны будуць мець такія цудоўныя цацкі», — заявіў Аляксандр Лукашэнка.
Паводле слоў кіраўніка дзяржавы, як для любога з бацькоў яго дзіця — самае лепшае, так і для Прэзідэнта — дзеці яго краіны самыя прыгожыя і разумныя. «Вы ўсе мае дзеці, за якіх я адказваю. І я ганаруся гэтым», — падкрэсліў Прэзідэнт. Аляксандр Лукашэнка канстатаваў, што сёння дзеці захоплены рознымі гаджэтамі, і гэта непазбежна для сучаснага чалавека. Але Прэзідэнт параіў ім часцей адрывацца ад камп’ютараў, бываць на свежым паветры, каб бачыць усё, што адбываецца навокал, не толькі праз інтэрнэт. «Так вы будзеце багацей, прыгажэй, сучасней. Так вы не страціце сваю ідэнтычнасць. Вы людзі і павінны валодаць чалавечымі эмоцыямі. На жаль, усяго гэтага камп’ютар даць не можа», — звярнуў увагу кіраўнік дзяржавы.
Прэзідэнт падкрэсліў, што для дарослых няма лепшага падарунка, чым шчаслівыя вочы і ўсмешкі на тварах дзяцей. «Мы жывём і працуем дзеля гэтага. Верым, што, калі настане час, вы гэтак жа будзеце радавацца шчаслівым вачам сваіх дзяцей», — рэзюмаваў Аляксандр Лукашэнка.
Кіраўнік дзяржавы павіншаваў маленькіх гледачоў з надыходзячым Новым годам і пажадаў ім захаваць веру ў дабро, чысціню душы і шчырае стаўленне да людзей, а таксама здзяйсненні ўсіх жаданняў. Навагодняе дабрачыннае свята стала цэнтральнай падзеяй акцыі «Нашы дзеці». На галоўную ёлку краіны былі запрошаны больш за 2,3 тыс. хлопчыкаў і дзяўчынак 8-14 гадоў з усіх рэгіёнаў Беларусі. У іх ліку дзеці-сіроты і дзеці, якія засталіся без апекі бацькоў, дзеці, якія выхоўваюцца ў апякунскіх сем’ях, выхаванцы кадэцкіх вучылішчаў, дзеці з сем’яў бежанцаў, навучэнцы — пераможцы міжнародных, рэспубліканскіх і рэгіянальных алімпіяд, творчых конкурсаў, фестываляў, спартыўных спаборніцтваў, навучэнцы, якія дасягнулі поспехаў у грамадскай рабоце.
У час свята дзецям паказалі маляўнічае казачнае музычна-сцэнічнае шоу «Выкрадальнікі часу, або Як выратаваць Новы год» у выкананні лепшых творчых калектываў краіны. Дзецям уручылі навагоднія падарункі ад Прэзідэнта Беларусі.
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…