Цудоўную пару самых вялікіх школьных канікулаў адкрывае яркае і вясёлае свята – Міжнародны дзень абароны дзяцей, які на Дзятлаўшчыне традыцыйна адзначаюць гульнёва-забаўляльнай праграмай.

Сёлета таксама ў гарадскім скверы каля раённага Цэнтра культуры і народнай творчасці сабраліся маленькія жыхары раёна разам са сваімі бацькамі, дзядулямі і бабулямі.

Работнікі культуры і юныя самадзейныя спевакі падрыхтавалі для іх вясёлыя песні, танцы, конкурсы з прызамі і займальныя летнія чэленджы. Разам з артыстамі ўзорнай студыі роставых лялек “Яркае свята для ўсіх” дзеці павесяліліся ад душы, развучылі новыя флэш-мобы і пафатаграфаваліся. Супрацоўнікі раённага аддзела Дэпартамента аховы пазнаёмілі гасцей свята са сваімі чатырохногімі памочнікамі – службовымі сабакамі.

Супрацоўнікі Дзятлаўскага РАНС таксама падрыхтавалі для малечы сюрпрыз: у межах акцыі “Бяспечныя канікулы” ў гульнявой форме яны паўтарылі правілы пажарнай бяспекі, правялі спаборніцтвы па перацягванні пажарнага рукава, узбадзёрылі імправізаваным фантанам з пажарнай машыны.

Таксама дзятлаўчан запрасілі і надалей далучацца да марафона забаўляльных праграм, які будзе доўжыцца ў раёне на працягу ўсяго лета.

Дарослыя, якія наведалі мерапрыемства разам са сваімі дзецьмі, падзяліліся ўражаннямі.

Канстанцін Дзісько:

– Мы з дачушкай Сафіяй прыйшлі на свята павесяліцца, а таксама падтрымаць жонку і матулю Алену, якая працуе на свяце разам з калегамі з Дзятлаўскага РАНС. Дачцэ вельмі падабаецца ўсё: яна з задавальненнем пагушкалася на арэлях у парку, падтрымала ўсе танцы, таксама мы разам наведалі ўсе тэматычныя пляцоўкі. Мора станоўчых эмоцый! Абавязкова будзем наведваць такія мерапрыемствы яшчэ.

Ганна Шыкутс:

– На свяце мы разам з дзвюма дачушкамі – Марынай і Эвелінай. Цудоўнае свята, усім нам вельмі падабаецца. Старэйшая дачка забаўляецца самастойна з іншымі дзеткамі, атрымала салодкі прыз. Малодшанькая ў матулі на руках таксама вельмі хоча весяліцца, нават пабегла б, калі б ужо ўмела. Хачу сказаць дзякуй арганізатарам свята за тое, што ў сваім горадзе непадалёку ад дома можна так цудоўна бавіць час разам з дзецьмі.

Наталля АВЯРЧУК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

administrator

Recent Posts

Вас памятае свет уратаваны. Жанчыны, якія набліжалі Перамогу

У Год беларускай жанчыны на старонках газеты “Перамога” расказваем пра нашых зямлячак, якія змагаліся на…

11 минут ago

Словы ўдзячнасці і віншавання – вам, людзі ў белых халатах!

У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…

21 минута ago

Па 25 базавых велічыняў за няскошаную траву кожнаму

За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…

2 часа ago

Прафарыентацыя. Каму падыдзе прафесія карэспандэнта

Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…

2 часа ago

Канікулы-2026

Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…

2 часа ago

22 июня в Дятлово состоится митинг-реквием

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

6 часов ago