Пераможцам абласнога этапу рэспубліканскага конкурсу на лепшы куток прававых ведаў сярод установаў агульнай сярэдняй адукацыі стала гімназія № 1 горада Дзятлава.
Конкурс праводзіўся ў адпаведнасці з Комплексам дадатковых мер па прафілактыцы правапарушэнняў, у тым ліку звязаных з незаконным абаротам наркотыкаў і псіхаактыўных рэчываў на 2022-2023 гады. Ён арганізаваны Міністэрствам адукацыі Рэспублікі Беларусь сумесна з Міністэрствам унутраных спраў.
На суд журы былі прадастаўлены інфармацыйна-асветніцкія матэрыялы, скіраваныя на павышэнне ўзроўню прававой культуры ўдзельнікаў адукацыйнага працэсу.
Напрыклад, для арганізацыі адзінай інфармацыйнай прасторы ў гімназіі № 1 горада Дзятлава быў створаны стэнд “Прававы інфарм+гімназіі” з аднайменным віртуальным рэсурсам.
Марына СЕРБІН,
намеснік дырэктара па выхаваўчай рабоце гімназіі № 1 горада Дзятлава
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
