Загадчыца Жукоўшчынскага фельчарска-акушэрскага пункта Ларыса Кучынская вылучана Дзятлаўскім раённым Саветам дэпутатаў дэлегатам на VI Усебеларускі народны сход.
Напярэдадні ўсерэспубліканскага форуму Ларыса Віктараўна паразважала аб тым, што ўжо зроблена і што яшчэ хацелася б зрабіць.
– Сістэма аховы здароўя Рэспублікі Беларусь займае дастойнае месца ў свеце. Яе ўстойлівая мадэль з бюджэтнай формай фінансавання даказала свае перавагі, асабліва ў час барацьбы з каранавіруснай інфекцыяй.
За апошнія пяць гадоў у нашай краіне праведзена значнае тэхнічнае перааснашчэнне медыцынскай галіны. Дзякуючы абласной і рэспубліканскай падтрымцы, набыта нямала дарагога абсталявання. На вачах мяняецца аблічча бальніц, амбулаторый, ФАПаў.
У 2017 годзе на нашым Жукоўшчынскім ФАПе таксама быў зроблены капітальны рамонт памяшканняў і фасада будынка, набыта мэбля, створаны безбар’ерны доступ пацыентаў.
Сёння ў зону абслугоўвання Жукоўшчынскага ФАПа ўваходзіць сем вёсак, дзе жывуць 637 чалавек, сярод якіх 103 – гэта дзеці. За 32 гады работы ўсе гэтыя людзі сталі мне не чужымі. Мая мэта – захаваць і палепшыць іх здароўе. Упэўнена, што кожны пацыент, незалежна ад таго жыве ён у горадзе ці ў вёсцы, павінен атрымліваць кваліфікаваную і даступную медыцынскую дапамогу.
Мяркую, каб не страціць таго, што ўжо маем ў галіне медыцыны і аховы здароўя, а таксама памножыць набыткі, важна і надалей капітальна рамантаваць і аснашчаць сучасным абсталяваннем медыцынскія ўстановы Беларусі, рыхтаваць кваліфікаваных маладых спецыялістаў з наступным размеракаваннем, спрыяць іх замацаванню, асабліва ў сельскай мясцовасці, эканомна і рацыянальна выкарыстоўваць матэрыяльныя і фінансавыя рэсурсы. Спадзяюся ўсе гэтыя пытанні будуць улічаны на VI Усебеларускім народным сходзе і ўключаны ў Праграму развіцця, каб у наступныя пяць гадоў якасць беларускай медыцыны яшчэ больш палепшылася.
Ірына СТЫРНІК
Фота Вольгі ЮШКЕВІЧ
Подписывайтесь на телеграм-канал «Гродно Медиа Group» по короткой ссылке @GrodnoMediaGroup
Водные игры в необорудованных и несанкционированных местах крайне опасны. Непроверенное дно, скрытые коряги, водовороты и…
16 ліпеня з 14.30 да 16.30 у будынку Казлоўшчынскага сельвыканкама выязны прыём грамадзян правядзе начальнік…
9 ліпеня член Савета Рэспублікі Нацыянальнага сходу Рэспублікі Беларусь, дэпутат Гродзенскага абласнога Савета дэпутатаў Андрэй…
Пад такой назвай у Дзятлаўскай раённай бібліятэцы 9 ліпеня прайшоў дыялог пакаленняў, прысвечаны дню вызвалення…
Аляксандр Бургун, ваенны камісар Дзятлаўскага раёна: – У Дзень Перамогі мы ўзгадваем продкаў, якія адстаялі…
9 ліпеня каля помніка Героям Савецкага Саюза Яну Фогелю і Паўлу Пятрову ў гарадскім парку…