З 15 жніўня па 11 верасня 2022 года ў аператыўна-дзяжурную службу АУС Дзятлаўскага райвыканкама паступіла 288 паведамленняў, 19 з якіх утрымлівалі звесткі аб прыкметах учыненых злачынстваў, 69 – аб адміністрацыйных правапарушэннях, 200 – аб іншых здарэннях.
Да адміністрацыйнай адказнасці былі прыцягнуты 128 правапарушальнікаў, узбуджана 18 крымінальных спраў.
Па прадукты – да суседкі
Беспрацоўны жыхар адной з вёсак раёна вырашыў разжыцца на прадукты харчавання за кошт сваёй суседкі. Калі жанчыны не было дома, ён вырваў прабой з уваходных дзвярэй яе хаты і забраў з сабой прадукты харчавання на 20 рублёў. Узбуджана крымінальная справа.
Калі металалом не пад замком
Крымінальная справа за крадзеж, але ўжо металалому, узбуджана яшчэ на аднаго беспрацоўнага вяскоўца. Мужчына скраў з незамкнёнай гаспадарчай пабудовы сваёй зямлячкі 230 кілаграмаў лому чорнага металу і 16 – алюмінію на агульную суму 150 рублёў.
Прапала сетка-рабіца
Міліцыя адшуквае фігуранта яшчэ аднаго крадзяжу і спадзяецца на садзейнічанне жыхароў раёна. Гэты злодзей пагаспадарыў у вёсцы Драбавічы, дзе вырваў прабой з уваходных дзвярэй адной з дач і скраў адтуль 3 рулоны сеткі-рабіцы, чым нанёс гаспадыні матэрыяльны ўрон на 120 рублёў.
Махляром аказаўся гродзенец
Праваахоўнікі ўстанавілі асобу злачынцы, які на сайце “Куфар” прапаноўваў для продажу мабільны тэлефон, але замест гэтага ў час перапіскі з дзятлаўчанінам завалодаў яго 210 рублямі. Цяпер махляр паўстане перад судом.
Картка апусцела
На жаль, нягледзячы на прафілактычную работу і намаганні праваахоўных органаў, нашы землякі прадаўжаюць трапляць на вуду злодзеяў з Інтэрнэта. Чарговай ахвярай зламысніка з сусветнай павуціны стала наша зямлячка, якая пазбавілася буйноў сумы, больш за 13 тысяч рублёў, са свайго карт-рахунка. Узбуджана крымінальная справа.
Злодзей з вялікай дарогі
На адной з вясковых дарог раёна раней не судзімы дзятлаўчанін абрабаваў земляка-вяскоўца. Мужчына сілай забраў у пацярпелага веласіпед і пакет з прадуктамі. Скрадзеная маёмасць ацэнена ў 383 рублі. Вінаватага чакае суд.
Дзяніс АЎРАМЕНКАЎ,
першы намеснік начальніка АУС Дзятлаўскага райвыканкама
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga