З 30 жніўня па 5 верасня ў аператыўна-дзяжурную службу АУС Дзятлаўскага райвыканкама паступіла 65 паведамленняў, 3 з якіх утрымлівалі звесткі аб прыкметах учыненых злачынстваў, 23 – аб адміністрацыйных правапарушэннях, 39 – аб іншых здарэннях.
Да адміністрацыйнай адказнасці было прыцягнута 25 правапарушальнікаў, узбуджана 3 крымінальныя справы.
Колькі вяровачцы не віцца
Раённым аддзелам Следчага камітэта на беспрацоўнага жыхара аднаго з аграгарадкоў раёна ўзбуджана крымінальная справа за махлярства. Мужчына ў салоне сотавай сувязі райцэнтра двойчы завалодаў чужой маёмасцю. У красавіку ён угаварыў дзятлаўчаніна прадаць у растэрміноўку мабільны тэлефон “Xiaomi” і аксесуары да яго, за якія плаціць не збіраўся, чым нанёс пацярпеламу матэрыяльную шкоду памерам 1196 рублёў. У чэрвені такім жа чынам махляр “купіў” у пенсіянера з суседняй з райцэнтрам вёскі “Алкатэль” коштам 554 рублі. Цяпер “прадпрымальнік” паўстане перад судом.
Пакінуў ключ – застаўся без інструментаў
Скарыстаўшыся ключом, які жыхар горада Дзятлава неабачліва пакінуў у замку свайго гаража, невядомы злодзей вынес адтуль два наборы інструментаў на агульную суму 350 рублёў. Узбуджана крымінальная справа.
Міліцыя просіць грамадзян, якім што-небудзь вядома пра акалічнасці крадзяжу, паведаміць на нумар 102 або ўчастковаму інспектару міліцыі.
Які з п’янага работнік?
Адміністрацыйны пратакол у час чарговага рэйда праваахоўнікі склалі на жывёлавода малочнатаварнай фермы адной з гаспадарак раёна, які знаходзіўся на працоўным месцы нецвярозым. Ступень ап’янення работніка была больш за адзін праміле. Прафілактычная работа міліцыі ў гэтым кірунку прадаўжаецца.
Уладзімір СВЯТОХА,
намеснік начальніка АУС Дзятлаўскага райвыканкама
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga