З 31 мая па 6 чэрвеня ў аператыўна-дзяжурную службу АУС Дзятлаўскага райвыканкама паступіла 94 паведамленні, 3 з якіх утрымлівалі звесткі аб прыкметах учыненых злачынстваў, 33 – аб адміністрацыйных правапарушэннях, 58 – аб іншых здарэннях.
Да адміністрацыйнай адказнасці былі прыцягнуты 42 правапарушальнікі, узбуджана 4 крымінальныя справы.
Вельмі галодны злодзей
У адну з майскіх начэй на падворак да пенсіянеркі з вёскі Пенчыцы наведаўся злодзей. З незамкнёнай гаспадарчай пабудовы зламыснік скраў 8 кілаграмаў сала, чым прычыніў гаспадыні матэрыяльную шкоду на суму 88 рублёў. Узбуджана крымінальная справа.
“Сплыла” ванна з падворка
Пагаспадарылі невядомыя і ў вёсцы Апаліна-Басіна. З падворка дома, пакінутага ў спадчыну жыхарцы райцэнтра, прапала чыгунная ванна коштам 70 рублёў. Куды “сплыла” маёмасць, цяпер высвятляюць праваахоўнікі. Узбуджана крымінальная справа.
Міліцыя просіць грамадзян, якім што-небудзь вядома пра акалічнасці крадзяжоў, паведамляць на нумар 102 або ўчастковаму інспектару міліцыі.
“Выхавальнік”
Крымінальнай справай скончылася сварка беспрацоўнага жыхара аграгарадка з сужыцелькай. “Выхоўваючы” сваю палавінку, мужчына трымаў у руках нож і пагражаў ёй забойствам. Цяпер агрэсар паўстане перад судом.
Навошта столькі медыкаментаў?
За незаконны абарот псіхатропных рэчываў будуць судзіць жыхара адной з вёсак нашага раёна. Каля двух гадоў таму ў сваім доме без мэты збыту мужчына захоўваў 270 таблетак вагой 52,76 грамаў, у складзе якіх было небяспечнае псіхатропнае рэчыва.
“Выпалалі” мак, канфіскавалі самагон
У Дварэцкім сельскім савеце ў доме пенсіянеркі праваахоўнікі знайшлі і канфіскавалі 15 літраў самагону.
Каля вёскі Раготна міліцыі трапіў на вочы дзікарослы мак: было вырвана і знішчана 12,5 кілаграма гэтай наркаўтрымліваючай расліны. Яшчэ адзін “клін” такога ж небяспечнага пустазелля супрацоўнікі аддзела ўбачылі на ўчастку нежылога дома ў вёсцы Вялікая Палонка: знішчаная маса заважыла на 22 кілаграмы.
Ігар ХІТРО,
намеснік начальніка АУС Дзятлаўскага райвыканкама
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…
Этот важный день служит напоминанием о необходимости сохранения и укрепления ценностей гуманности, сострадания и безвозмездной…
У межах акцыі “Беларусь помніць. Помнім кожнага” на Дзятлаўшчыне прайшлі мітынгі, прысвечаныя 81-й гадавіне Перамогі…