Традыцыйна на пачатку мая на базе сярэдняй школы № 1 горада Дзятлава імя А. М. Чурылы прайшоў раённы этап рэспубліканскай ваенна-патрыятычнай гульні “Арляня”, прымеркаванай да Дня Перамогі і 82-й гадавіны вызвалення Беларусі ад нямецка-фашысцкіх захопнікаў.
За званне лепшых паспаборнічалі восем каманд, якія прадставілі ўсе тры школы горада Дзятлава, а таксама Новаяльнянскую, Казлоўшчынскую, Хвінявіцкую, Дварэцкую, Гезгалаўскую сярэднія школы.
Удзельнікаў мерапрыемства павітаў камісар Дзятлаўскага раёна Аляксандр Бургун. Ён заклікаў моладзь змагацца на этапах спаборніцтваў заўзята, дружна і сумленна, быць дастойнымі памяці сваіх продкаў – герояў Вялікай Айчыннай вайны, подзвіг якіх жыве ў наступных пакаленнях.
Зладжанай каманднай работы “арлянятам” пажадала метадыст раённага метадычнага кабінета Наталля Пазняк, яна правяла жараб’ёўку. Работу каманд на конкурсных этапах ацэньвала журы ў саставе начальніка групы прызыву на ваенную службу ваеннага камісарыята Дзятлаўскага раёна Аляксандра Зайцава, а таксама спецыялістаў раённага цэнтра дадатковай адукацыі дзяцей і моладзі.
Грунтоўнай падрыхтоўкі ад канкурсантаў патрабаваў агляд строю і песні “Кожны з нас у страі!”, у якім лепш за ўсіх паказалі сябе навучэнцы Казлоўшчынскай сярэдняй школы. Таксама ім не было роўных у разборцы і зборцы аўтамата Калашнікава. Трапнасць і вытрымку прадэманстравалі ўдзельнікі конкурсу “Трапны стралок”, самы высокі камандны вынік – у сярэдняй школы № 3 горада Дзятлава імя І. Ю. Філідовіча. Самымі хуткімі і спрытнымі былі “арляняты” з Хвінявіцкай сярэдняй школы, якія паказалі лепшы час у ваенізаванай паласе перашкодаў “Час каманды”.
Конкурсная праграма завяршылася цырымоніяй узнагароджання, дзе былі адзначаны пераможцы і прызёры спаборніцтваў.
Права прадстаўляць раён на абласным этапе рэспубліканскай гульні “Арляня” заваявала каманда Казлоўшчынскай сярэдняй школы. Дыпломам другой ступені адзначаны гезгалаўскія школьнікі, на трэцім месцы – каманды сярэдняй школы № 3 і гімназіі № 1 горада Дзятлава, Дварэцкай і Хвінявіцкай сярэдніх школ.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае
Дзятлаўскі раён стане першым у цыкле тэлеперадач тэлеканала “ВоенТВ” з рабочай назвай “У добры шлях”,…
Практыка ў раённай газеце – гэта новыя эмоцыі штодня. За два тыдні мне прыйшлося паспрабаваць…
Для ажыццяўлення агульнай каардынацыі дзейнасці дзяржаўных органаў, іншых арганізацый, службы “адно акно” Міністэрствам юстыцыі распрацавана…
Дзятлаўчане цікавяцца: ці прымае сёлета Дзятлаўскі філіял Гродзенскага аблспажыўтаварыства сезонную прадукцыю ад фізічных асоб і…
Ратаўнікі Беларусі – сапраўдныя прафесіяналы, мужныя, валявыя, рашучыя, адказныя. Яны супрацьстаяць стыхіі, абараняюць жыццё і…
Урожайность зерновых превышает прошлогоднюю по всем областям страны, сообщили в пресс-службе Министерства сельского хозяйства и…