Часта ўзнікае неабходнасць правядзення земляных работ на вуліцах, у завулках, скверах і ў іншых зонах. Папярэдне патрэбна атрымаць дазвол на земляныя работы, каб не ствараць небяспеку гарадской ці сельскай інфраструктуры: элементам добраўпарадкавання, інжынерным камунікацыям і іншае.
У якіх выпадках неабходна звярнуцца па атрыманне дазволу ў службу “адно акно” Дзятлаўскага райвыканкама, растлумачыла яе кіраўнік Станіслава Ганчар:
– Наша служба прымае заявы аб ажыццяўленні адміністрацыйнай працэдуры “Выдача дазволу на правядзенне раскопак вуліц, плошчаў, двароў, іншых зямель агульнага карыстання”, прадугледжанай пунктам 9.8 пераліку адміністрацыйных працэдур, якія ажыццяўляюцца дзяржаўнымі органамі і іншымі арганізацыямі па заявах грамадзян, зацверджанага Указам Прэзідэнта Рэспублікі Беларусь ад 26 красавіка 2010 года № 200.
Звярніце ўвагу! Дазвол выдаецца ў выпадках, якія выключаюць выкананне аварыйных работ.
Выдача дазволу ажыццяўляецца для падключэння да інжынерных сетак пры будаўніцтве аднакватэрных, блакіраваных жылых дамоў і (або) нежылых капітальных пабудоў на прыдамавой тэрыторыі ў раёнах жылой забудовы, капітальных будынкаў (будынкаў, збудаванняў) пятага класа складанасці.
Даведачная інфармацыя. Класіфікацыя аб’ектаў будаўніцтва па класах складанасці змяшчаецца ў будаўнічых нормах СН 3.02.07-2020 “Аб’екты будаўніцтва. Класіфікацыя”, зацверджаных пастановай Міністэрства архітэктуры і будаўніцтва Рэспублікі Беларусь ад 26 кастрычніка 2020 года № 63.
Для атрымання дазволу неабходна прадаставіць наступныя дакументы: заяву; пашпарт або іншы дакумент, які сведчыць асобу; праектную дакументацыю на будаўніцтва аб’екта, узгодненую ва ўстаноўленым парадку, за выключэннем выпадкаў, калі ў адпаведнасці з заканадаўствам яе распрацоўка або ўзгадненне не патрабуюцца.
На заметку. Бланк заявы, а таксама ўзор па яе запаўненні вы можаце атрымаць у службе “адно акно” або на афіцыйным сайце райвыканкама. Плата за адміністрацыйную працэдуру не спаганяецца. Максімальны тэрмін яе рэалізацыі – 5 дзён з дня падачы заявы. Тэрмін дзеяння дазволу – бестэрмінова.
Для атрымання падрабязнай інфармацыі вы можаце звярнуцца ў службу “адно акно” па тэлефонах: 6-86-41, 142.
Працуе служба па наступным графіку: панядзелак, аўторак, чацвер, пятніца з 8.00 да 17.00, серада з 8.00 да 20.00 без перапынку на абед. Субота, нядзеля – выхадныя дні. Размяшчаецца па адрасе: г. Дзятлава, вул. Чырвонаармейская, 21 (уваход з тарца).
Ірына КАМАРОВА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
