У рамках правядзення Тыдня бацькоўскай любові ў Дзятлаўскай дзіцячай школе мастацтваў і яе філіялах прайшлі святочныя мерапрыемствы. Чым здзіўлялі матуляў і татаў педагогі, вучні і творчыя калектывы школы, расказала яе дырэктар Ала Барысенка:
– Мы падрыхтавалі насычаную канцэртную праграму з яркіх інструментальных, вакальных, танцавальных кампазіцый, інтэрактываў і жартаў, арганізавалі выставу малюнкаў. Кожнае выступленне было напоўнена атмасферай шчырасці, дабрыні, цяпла і душэўнай утульнасці, стала творчым падарункам любімым бацькам, тым, чый штодзённы клопат сагравае, надзейная падтрымка дапамагае ўпэўнена ісці наперад.
Жадаем усім бацькам атрымліваць увагу і клопат ад сваіх дзяцей не толькі ў святочныя дні. Няхай кожны дзень будзе напоўнены патрэбнымі словамі, дапамогай і падтрымкай іх сыноў і дачок.
Святлана ГРЫШЫНА
Фота Дзятлаўскай ДШМ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
