Лідскім міжраённым камітэтам дзяржаўнага кантролю ў ходзе правядзення кантрольна-аналітычных мерапрыемстваў, накіраваных на выяўленне парушэнняў статыстычнай справаздачнасцi па выбыцці жывёлы ў сельскагаспадарчых арганізацыях і па выкананні даручэння Кіраўніка дзяржавы па пытанні завяршэння ўборачнай кампаніі ўстаноўлена наступнае.
Для стварэння бачнасці паляпшэння сітуацыі па невытворчым выбыцці жывёлы асобнымі службовымі асобамі сельскагаспадарчых арганізацый прымаліся рашэнні па ўтойванні падзяжу. Клапаціцца аб захаванасці жывёлы павінны перш за ўсё самі гаспадаркі, бо кожная страчаная галава жывёлы – гэта страчаныя сотні і тысячы рублёў, якіх у многіх сельгаспрадпрыемствах не хапае.
Несуцяшальная сітуацыя назіраецца ў сельскагаспадарчых арганізацыях і пры ўборцы ўраджаю, што прыводзіць да яго стратаў і недаатрымання грашовых сродкаў.
Кантроль за станам справаў у сельскагаспадарчых арганізацыях будзе працягнуты.
Наталля КРЫВІЦКАЯ,
намеснік старшыні Камітэта дзяржкантролю Гродзенскай вобласці
