22-23 лістапада праходзіць рэспубліканскі семінар-нарада на тэму павышэння эфектыўнасці будаўнічага комплексу краіны.
Плануецца, што Прэзідэнт Рэспублікі Беларусь Аляксандр Лукашэнка правядзе пленарнае пасяджэнне семінара-нарады. На яго запрошаны кіраўнікі міністэрстваў і ведамстваў краіны, прадстаўнікі мясцовай вертыкалі ўлады, спецыялісты арганізацый будаўнічай галіны. Мерапрыемства пачалося яшчэ 22 лістапада з практычных заняткаў у вучэбных групах і наведвання шэрагу аб’ектаў.
Сваім меркаваннем наконт гэтай значнай падзеі падзяліўся намеснік старшыні Дзятлаўскага раённага выканаўчага камітэта Юрый Залеўскі:
– Прыемна, што прыняць удзел у рэспубліканскім семінары-нарадзе па павышэнні эфектыўнасці будаўнічага комплексу краіны запрошаны прадстаўнікі Гродзенскай вобласці і раёнаў. Дзятлаўшчыну на сустрэчы прадстаўляе старшыня раённага выканаўчага камітэта Аляксандр Дубовік.
Пасля таго, як кіраўнік нашага раёна вернецца з рабочай камандзіроўкі, будзе праведзена нарада. На ёй мы дэталёва абмяркуем праблемныя пытанні, агучаныя ў час сустрэчы з Прэзідэнтам і спецыялістамі галіны, напрамкі далейшага ўдасканалення работы будкомплексу, магчымыя перспектывы яго развіцця ў нашым раёне.
Ірына СТЫРНІК
