Шэрагі дзятлаўчан, якія палепшылі свае жыллёвыя ўмовы пры ўдзеле камунальнай службы раёна, хутка папоўняцца.
“На падыходзе” здача ў эксплуатацыю пасля капітальнага рамонту інтэрната па вуліцы Міцкевіча, 4.
Будынак быў перададзены на баланс Дзятлаўскага РУП ЖКГ колішнім ПМК-147 у несуцяшальным стане. За час рамонту былі заменены вадаправод і каналізацыя, сантэхніка, вокны, электрычныя сеткі, устаноўлены пажарная сігналізацыя і сістэма відэаназірання.
Дырэктар Дзятлаўскага РУП ЖКГ Сяргей Луня сустрэўся з прадстаўніком фірмы-падрадчыка “Дзітва-буд” з Ліды і кіраўніцтвам раёна, каб абмеркаваць фінальныя заўвагі па аб’екце. Ужо да лета шчаслівыя жыхары вернуцца ў свае абноўленыя кватэры.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
