Хітрага дырэктара чакае турма

Работнікі Ваўкавыскага міжраённага аддзела ўпраўлення Дэпартамента фінансавых расследаванняў Камітэта дзяржаўнага кантролю Рэспублікі Беларусь па Гродзенскай вобласці закончылі праверку фінансава-гаспадарчых узаемаадносінаў аднаго з мінскіх таварыстваў з абмежаванай адказнасцю, якое спецыялізавалася на вытворчасці бетону, з дзяржаўным прадпрыемствам Ваўкавыскага раёна, што ажыццяўляла выпуск будаўнічых матэрыялаў.

Гэта гісторыя бярэ пачатак у 2014 годзе, калі будаўнічая галіна толькі пачала адчуваць першыя прыкметы крызісу.

Гэта прывяло да зніжэння канкурэнтаздольнасці беларускіх вытворцаў цэменту ў адносінах да іх калегаў з Літвы і Расіі. Як следства — замежныя і беларускія інвестары сталі выводзіць актывы з будаўнічай галіны, а вытворцы цэменту — шукаць новыя рынкі збыту. Частка камерцыйных кампаній пачала працэдуру ліквідацыі, а іншая з мэтай захавання актываў стала прадпрымаць меры, накіраваныя на стабілізацыю свайго фінансавага стану, у тым ліку і за кошт іншых удзельнікаў.

Адным з такіх удзельнікаў падобных адносінаў стала таварыства з абмежаванай адказнасцю, якое ўзначальвае 40-гадовы жыхар горада Мінска. Прадпрымальны дырэктар мінскага ТАА скарыстаўся сітуацыяй, якая склалася на рынку. Для паляпшэння фінансавага становішча свайго таварыства ён выкарыстаў складанае становішча дзяржаўнага прадпрыемства, якое адчувала цяжкасці з рэалізацыяй цэменту. На працягу кароткага часу, не прыкладваючы дадатковых намаганняў, паколькі выкарыстаў ужо напрацаваную схему і сувязі, «дзялец» завалодаў цэментам дзяржаўнага прадпрыемства агульным коштам больш за 1,3 млрд. беларускіх рублёў, паабяцаўшы разлічыцца за атрыманы тавар на працягу 15 дзён. У далейшым з выкарыстаннем дадзенага цэменту таварыствам быў выраблены бетон, які яно рэалізавала на тэрыторыі Мінскага раёна і горада Мінска. Стан запазычанасці выклікаў справядлівую заклапочанасць у службовых асобаў дзяржаўнага прадпрыемства. Не знайшоўшы грошай у вырашэнні праблемы, юрыдычная служба прадпрыемства, захоўваючы законнасць, падрыхтавала і накіравала прэтэнзію на адрас даўжнiка. Менавіта з гэтага моманту камерсант стаў актыўна перакладаць актывы свайго таварыства на другую, падкантрольную яму ж камерцыйную фірму. За кароткі тэрмін ён вывеў з абароту актывы ў выглядзе маёмасці коштам больш за 4 млрд. беларускіх рублёў, давёўшы тым самым сваё таварыства да неплацежаздольнасці. Пасля ўступлення ў законную сілу пастановы Эканамічнага суда горада Мінска, у парушэнне ўстаноўленага заканадаўствам Рэспублікі Беларусь парадку разлікаў, ён пералічыў з разліковага рахунка таварыства больш за 5 млрд. беларускіх рублёў выручкі на іншую падкантрольную яму фірму. Пасля гэтага яму заставалася толькі «па-ціхаму» ліквідаваць ТАА-даўжніка. Для надання відавочнасці закона, камерсант пакінуў крэдытору — дзяржаўнаму прадпрыемству безнадзейную дэбіторскую запазычанасць збанкрутаваных камерцыйных арганізацый у суме каля 2 млрд. беларускіх рублёў. Сваімі дзеяннямі «дзялец» абмежаваў інтарэсы крэдытора.

Аднак злачынную задумку камерсанта пасля аналізу першасных дакументаў і рахункаў бухгалтарскага ўліку разгадалі работнікі фінансавай міліцыі. Па фактах парушэння ўстаноўленага парадку ажыццяўлення эканамічнай дзейнасці ў дачыненні да дырэктара таварыства распачаты крымінальныя справы па ч. 1 арт. 241 КК Рэспублікі Беларусь («Перашкода кампенсацыі стратаў крэдытору (крэдыторам)» і арт. 242 КК Рэспублікі Беларусь («Ухіленне ад пагашэння крэдыторскай запазычанасці»).

Цяпер на маёмасць коштам больш за 3 млрд. беларускіх рублёў падкантрольнага «дзяльцу» таварыства накладзены арышт. Крымінальныя справы для правядзення далейшага расследавання перададзены ў следчыя органы. Хітраму дырэктару пагражае пазбаўленне волі тэрмінам да двух гадоў.

А. ЯНОВІЧ,
начальнік Ваўкавыскага МА УДФР КДК Рэспублікі Беларусь па Гродзенскай вобласці