Сёлета прайшоў капітальны рамонт харчблока ў Казлоўшчынскім дзіцячым садзе, дзе выхоўваюцца 60 дзетак. Паглядзець і ацаніць, як ён цяпер працуе, ва ўстанову наведаліся старшыня Дзятлаўскага райвыканкама Андрэй Садоўскі, начальнік аддзела адукацыі райвыканкама Марына Лашкоўская, дырэктар Дзятлаўскага раённага цэнтра па забеспячэнні дзейнасці бюджэтных і іншых арганізацый Святлана Панасюк.
– Цяпер у нас абноўлена амаль усё тэхналагічнае абсталяванне. Нашы повары з задавальненнем карыстаюцца новымі электрычнай плітой, мясарубкай, халадзільнікам, сталамі, стэлажамі, посудам, праканвектаматам, воданагравальнікам. Рабочыя вельмі добрасумленна выканалі рамонт, – расказала загадчыца Казлоўшчынскага дзіцячага сада Лілія Лішык і падзякавала кіраўніку раёна за выдзеленыя бюджэтныя сродкі на рамонт.
Святлана Панасюк адзначыла, што на вонкавыя і ўнутраныя электрамантажныя работы, якія выконвала ТАА “ПрафЭлектраБуд”, было затрачана 55 000 рублёў, будаўнічыя работы на суму 95 000 рублёў ажыццявіла ТАА “Русін Ю. І.”. Амаль 16 000 рублёў было зрасходавана на тэхналагічнае абсталяванне. Усё з раённага бюджэту.
Загадчыца сада правяла экскурсію па ўстанове, расказала пра тое, што зроблена і яшчэ плануецца, паказала новы адрамантаваны санвузел у адной з груп, уваходную групу, за сродкі на ўладкаванне якой таксама выказала вялікую ўдзячнасць кіраўніцтву раёна. Акрамя гэтага, яна заўважыла, што вялікую і рэгулярную дапамогу ім аказвае мясцовае прадпрыемства ТАА “Панэкспа”.
Андрэй Садоўскі адзначыў, што ў садку і новы харчблок, і ўвогуле ўсё зроблена прыгожа, якасна, тут створаны спрыяльныя ўмовы і для дзяцей, і для работнікаў. Старшыня райвыканкама пацікавіўся, якія перспектывы ў навучальнай установы, кадрамі, бацькоўскай аплатай за харчаванне, даў распараджэнне Марыне Лашкоўскай падкарэктаваць пытанні з падвозам дзяцей.
Напрыканцы Андрэй Уладзіміравіч пажадаў установе добрай, плённай работы, ісці ў нагу з часам і развівацца.
Святлана ГРЫШЫНА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае #ГОД БЛАГОУСТРОЙСТВА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Новые нормы закреплены в Кодексе об административных правонарушениях. В первую очередь речь идёт о борщевике…
Состояние всех пострадавших в Брянской области пациентов после первой проведенной в учреждениях здравоохранения Минска ночи…
В Беларуси скошено трав первым укосом на площади 1200 тыс. га, что составляет 85% от…
Комитетом государственного контроля Гродненской области при проверке одного из районных управлений капитального строительства, выполняющего функции…
Президент Беларуси Александр Лукашенко в ходе рабочей поездки в Узденский район Минской области ознакомится с…