Цікавыя факты можна даведацца, не выязджаючы за межы Дзятлаўшчыны, упэўнены спецыялісты і наведвальнікі аддзялення дзённага знаходжання для пажылых людзей Цэнтра сацыяльнага абслугоўвання насельніцтва Дзятлаўскага раёна.
Нятаўна тут стартаваў праект “Музейны тур”, прымеркаваны да 75-годдзя заснавання Гродзенскай вобласці і 75-годдзя вызвалення Беларусі ад нямецка-фашысцкіх захопнікаў. Ён скіраваны на знаёмства наведвальнікаў аддзялення з цікавымі фактамі гісторыі роднага краю, лёсамі вядомых землякоў у час экскурсій у музеі, якія дзейнічаюць у нашым раёне.
Першая экскурсія была наладжана ў музей “Гісторыя Дзятлаўшчыны” сярэдняй школы №1 горада Дзятлава. Удзел у ёй прымалі наведвальнікі аддзялення, на чале з загадчыцай Галінай Касцюк і спецыялістам Аленай Якаўчык, а таксама валанцёры раённай арганізацыі Таварыства Чырвонага Крыжа, якую ўзначальвае Галіна Эдвардаўна.
Цікавую экскурсію для гасцей правяла педагог установы Ірына Дарафейчык, якая шмат гадоў разам з вучнямі школы займаецца вывучэннем гісторыі роднага краю, зборам музейных экспанатаў. Экспазіцыі музея “Гісторыя Дзятлаўшчыны” прысвечаны розным адрэзкам часу – ад моманту заснавання мястэчка Здзецела да нашых дзён. Ёсць тут куток, які расказвае аб побытавай культуры нашых продкаў, дзе знаходзіцца макет вясковай печы, мэбля і старадаўнія рэчы, якімі сяляне карысталіся пры вядзенні гаспадаркі. Не меншую цікавасць выклікае выстава работ дзятлаўскіх майстрых, дзе прывабліваюць прыгажосцю вязаныя і вышываныя сурвэткі, іншыя дробязі, што ўпрыгожваюць інтэр’ер.
Асабліва ажыўленая размова адбылася каля стэндаў з партрэтамі землякоў-ветэранаў Вялікай Айчыннай вайны. Многіх з іх пажылыя людзі добра памятаюць, ведалі асабіста. Узгадвалі госці і цікавыя факты з жыцця нашага горада, сведкамі якіх яны з’яўляліся.
На развітанне ўдзельнікі экскурсіі пакінулі падзякі ў кнізе водгукаў музея. Мерапрыемства вельмі спадабалася. Па словах Галіны Касцюк, за час рэалізацыі праекта “Музейны тур” плануецца правесці яшчэ не адну падобную экскурсію як у школьныя музеі раёна, так і да памятных мясцінаў Дзятлаўшчыны.
Ірына КАЎКЕЛЬ
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…