З 3 па 9 красавіка ў Мастоўскім раённым цэнтры рамёстваў будзе праходзіць выстава-продаж дэкаратыўных вербаў “Вербная нядзеля”. 4 красавіка ў межах выставы адбудзецца прэзентацыя майстроў лозапляцення Андрэя і Наталлі Піваварчыкаў “Плеценае шчасце”.
3 красавіка ў Мастоўскай дзіцячай школе мастацтваў адбудзецца канцэрт “Вясновы капеж”, на якім будуць прадстаўлены музычныя і харэаграфічныя нумары, а ў фае – работы навучэнцаў мастацкага аддзялення.
4 красавіка ў Ваўкавыскай раённай бібліятэцы пройдзе квэст-гульня “Вас чакаюць прыгоды на востраве Чытання”, прымеркаваная да Міжнароднага дня дзіцячай кнігі.
6 красавіка ў Ашмянскім краязнаўчым музеі імя Ф. К. Багушэвіча можна будзе наведаць краязнаўчую панараму “Дух часу і раскошы” – адкрыццё выставы “Напалеон Орда. Падарожныя замалёўкі”, прымеркаваную да 210-годдзя з дня нараджэння мастака, педагога, кампазітара Напалеона Орды.
7 красавіка Гродзенскі гарадскі цэнтр культуры запрашае на канцэрт, прымеркаваны да Міжнароднага дня цыганоў. У ім прыме ўдзел салістка Маскоўскага дзяржаўнага акадэмічнага тэатра аперэты Дыяна Савельева, а таксама лепшыя гродзенскія артысты.
7 красавіка ў Карэліцкім раённым цэнтры культуры і народнай творчасці пройдзе раённая акцыя-канцэрт “Я выбіраю жыццё”, скіраваная на прапаганду здаровага ладу жыцця.
8 красавіка на Савецкай плошчы горада Гродна будзе прадстаўлена музычная праграма “Раманс цыганскі шчыміць грудзі” пры ўдзеле гродзенскіх артыстаў, музычнага тэатра “Рада”.
8 красавіка ў горадзе Дзятлаве будзе праводзіцца V Адкрыты рэгіянальны конкурс беларускай творчасці “Лянок”. Ён пройдзе па дзвюх намінацыях: музычна-інструментальнае мастацтва і выяўленчае мастацтва.
8 красавіка ў Ашмянскім раённым цэнтры культуры пройдзе Дзень здароўя “Быць здаровым вельмі модна”, прымеркаваны да Сусветнага дня здароўя.
9 красавіка ў сельскім клубе аграгарадка Станцыя Ашмяны адбудзецца вечар-ушанаванне народных умельцаў “Жыццё, як песня звонкая журчыць”.
Падрыхтавала да друку С. ГРЫШЫНА
Наталля АВЯРЧУК Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga #нашелучшее #нашалепшае
Работа інтэрактыўных пляцовак дзясятага фестывалю сямейнага адпачынку “Зецельскі фэст” завяршылася цырымоніяй узнагароджання. Па рашэнні кіраўніцтва…
Пасля ўрачыстага адкрыцця фестывалю сямейнага адпачынку “Зецельскі фэст” старшыня райвыканкама Андрэй Садоўскі запрасіў гасцей раёна…
Шматлюдна, весела, актыўна на пляцоўцы “Турыстычная”. Як заўсёды, там сабраліся любіцелі паходаў, начовак у палатцы,…
Дзясяты адкрыты фестываль сямейнага адпачынку “Зецельскі фэст” запрасіў сёння на спартыўную пляцоўку тых, хто сябруе…
На “Зецельскім фэсце” працавалі адразу некалькі інтэрактыўных пляцовак на любы густ. Сапраўднай сенсацыяй фестывалю стаў…