22-23 мая для выпускнікоў адзінаццатых класаў адбудзецца рэспубліканскае свята апошняга званка.
Па добрай традыцыі яго ўдзельнікамі стануць сто лепшых навучэнцаў горада Мінска і па столькі ж паспяховых выпускнікоў прадставяць кожны з рэгіёнаў Беларусі.
На ўрачыстасць запрошаны і чацвёра маладых жыхароў Дзятлаўшчыны, за плячыма якіх не толькі адзінаццаць гадоў паспяховай вучобы, але і шэраг іншых дасягненняў і перамог.
Выпускніца сярэдняй школы № 1 горада Дзятлава імя А. М. Чурылы Валерыя Жалнерчык – прызёр абласнога этапу алімпіяды школьнікаў Саюзнай дзяржавы “Расія і Беларусь: гістарычная і духоўная агульнасць” і абласнога этапу конкурсу “Лепшы празаічны водгук на творы Васіля Быкава”, а таксама лаўрэат ІІІ Міжнароднага фестывалю мастацтваў у намінацыі “Тэатральная творчасць. Мастацкае слова”.
Адзінаццацікласнік сярэдняй школы № 3 горада Дзятлава імя І. Ю. Філідовіча, дэпутат моладзевага парламента пры Гродзенскім абласным Савеце дэпутатаў Станіслаў Якаўчык – выдатнік вучобы, прызёр рэспубліканскай навукова-практычнай канферэнцыі па прадмеце “Грамадазнаўства” ў секцыі “Чалавек і сучаснае грамадства” і абласнога этапу рэспубліканскага конкурсу камп’ютарных распрацовак патрыятычнай скіраванасці “Патрыёт.by”, пераможца XVI абласной канферэнцыі даследчых работ “Крыштальная Альфа” і рэспубліканскага конкурсу “Я патрыёт сваёй краіны”.
Навучэнка Гезгалаўскай сярэдняй школы імя М. І. Нядзеліна Валерыя Юргілевіч – пераможца абласнога і ўдзельніца рэспубліканскага этапаў рэспубліканскай алімпіяды па фінансавай адукаванасці, прызёр Міжнароднага конкурсу чытачоў “Чытаем А. С. Пушкіна”, абласнога этапу праекта ГА “БРПА” “Цімураўцы.by”.
Выпускніца Вензавецкай сярэдняй школы Яна Клуйша – прызёр трэцяга этапу рэспубліканскай алімпіяды па вучэбным прадмеце “Біялогія”, XVI абласной канферэнцыі даследчых работ “Крыштальная Альфа” ў секцыі “Гісторыя”.
Удзельнікаў урачыстасці чакае яркая святочная праграма з культурна-забаўляльнымі мерапрыемствамі, ускладанне кветак на Алеі Герояў, урачыстая лінейка, на якой пераможцы міжнародных і рэспубліканскіх алімпіяд, конкурсаў, спартыўных турніраў будуць адзначаны падарункамі.
Пасля ўрачыстай часткі пройдзе моладзевая дыскатэка і канцэрт з удзелам папулярных у моладзевым асяроддзі артыстаў беларускай эстрады.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#награда #нашелучшее #нашалепшае #Дятловщина #образование
Православные верующие сегодня отмечают один из великих двунадесятых праздников - Успение Пресвятой Владычицы нашей Богородицы…
Вопрос: как защитить себя от интернет-мошенничества? Отвечает старший участковый инспектор милиции Александр Скворчинский: – Мошенники…
До начала учебного года осталось совсем немного времени, а значит, сейчас самое время подготовиться к…
27 августа в агрогородке Солы Сморгонского района произошел несчастный случай – при розжиге печи получил…
У рамках дзейнасці грамадска-палітычнага цэнтра раённага аддзялення Гродзенскай вобласці Беларускай партыі “Белая Русь” пад кіраўніцтвам…
Делегация Дятловского района во главе с заведующим сектором культуры райисполкома Татьяной Ваниславчик приняла участие в…