У Гродзенскай вобласці 13 сакавіка праходзіць абласны Дзень аховы працы. Далучыліся да яго і ў Дзятлаўскім раёне. З работнікамі КСУП “Жукоўшчына” сустрэліся галоўны спецыяліст аддзела механізацыі ўпраўлення сельскай гаспадаркі і харчавання райвыканкама Аляксандр Камароў, старшыня райкама прафсаюза работнікаў АПК Уладзімір Казак, галоўны спецыяліст упраўлення па працы, занятасці і сацыяльнай абароне райвыканкама Святлана Латушка, памочнік доктара-гігіеніста Дзятлаўскага райЦГЭ Марыя Шымчык.
У сваіх выступленнях яны адзначылі, што Адзіны дзень аховы працы праводзіцца з прафілактычнай мэтай для забеспячэння бяспекі і здароўя работнікаў на працоўных месцах, прадухілення выпадкаў вытворчага траўматызму ў арганізацыях шляхам аператыўнага выяўлення парушэнняў нормаў аховы працы і прымянення мер па іх ліквідацыі.
Адной з асноўных прычын няшчасных выпадкаў на вытворчасці працягвае заставацца парушэнне самімі пацярпелымі працоўнай і вытворчай дысцыпліны, інструкцый па ахове працы, а наймальнікі і іх службовыя асобы часта недастаткова патрабавальныя да падтрымання працоўнай і выканальніцкай дысцыпліны на працоўных месцах.
Святлана ГРЫШЫНА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#АПК #охрана труда
