У прытулак сацыяльна-педагагічнага цэнтра горада Дзятлава наведаліся члены Дзятлаўскага раённага савета ветэранаў, каб павіншаваць дзяцей з надыходзячымі зімовымі святамі.
Гасцей у дзяржаўнай установе ветліва сустракаў дзевяцігадовы Дзяніс, які ўжо чакае Новага года і рыхтуецца адзначыць яго незвычайна.
Ядзвіга Гушча, Валянціна Літвіна і Святлана Пігульская звярнуліся да хлопчыка, як да свайго ўнука: пацікавіліся, ці не холадна яму, даведаліся пра школьныя поспехі, пахвалілі за добрыя паводзіны і пачаставалі прысмакамі.
Але больш за ўсё Дзянісу спадабаліся цацкі, менавіта новы канструктар:
— Паглядзі, які ён складаны, яго хутка не збярэш, — дзівіліся актывісты Савета ветэранаў.
— Тут жа ўсё лёгка! — упэўнена адказаў Дзяніс з жаданнем хутчэй прыступіць да задачы.
Таксама падарункі перадалі і для пяцігадовага Максіма, які цяпер знаходзіцца ў бальніцы. Вернецца — а яго чакае шмат прыемных навагодніх сюрпрызаў.
Дырэктар сацыяльна-педагагічнага цэнтра горада Дзятлава Ала Жэгалік падзякавала гасцям за шчодрыя падарункі, увагу да дзяцей і значную падтрымку, бо дзеці разумеюць больш, чым нам здаецца.
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga