У Беларусі плануецца ўвядзенне водпуску для бацькі пры нараджэнні дзіцяці — адпаведныя змяненні ўнясуць у Працоўны кодэкс. Аб гэтым паведаміў на прэс-канферэнцыі намеснік міністра працы і сацыяльнай абароны Аляксандр Румак.
«Лічу, што гэта будзе добрая падмога для маці і аблягчэнне для яе сямейнай нагрузкі пасля нараджэння малыша», — сказаў намеснік міністра. Прадугледжваецца таксама развіццё гібкіх форм занятасці, у тым ліку дыстанцыйнай работы, і іншыя нормы для людзей з сямейнымі абавязкамі. «Магчымасцю дыстанцыйнай работы скарыстаюцца многія маці, якія выхоўваюць малалетніх дзяцей», — лічыць Аляксандр Румак.
«Мы паступова рухаемся наперад у сферы паляпшэння ўмоваў для жыцця сем’яў з дзецьмі. Работа па ўдасканаленні дзяржпадтрымкі сем’яў з дзецьмі — гэта пастаянны працэс. Толькі ў 2017 годзе быў прыняты шэраг значных дакументаў», — адзначыў намеснік міністра. Так, з 1 ліпеня ўступіў у сілу закон «Аб дзяржаўных дапамогах сем’ям, якія выхоўваюць дзяцей» у новай рэдакцыі. Законам узмоцнена сацыяльная абарона асобных катэгорый: жанчын, якія атрымліваюць дапамогу па цяжарнасці і родах у мінімальным памеры; бацькоў, якія выхоўваюць дзяцей-інвалідаў, і бацькоў, маючых інваліднасць. З 1 ліпеня ўступілі ў сілу змяненні ва ўказ нумар 41 «Аб дзяржаўнай адраснай сацыяльнай дапамозе», накіраваныя на павышэнне даступнасці і ўзроўню сацпадтрымкі насельніцтва.
БелТА
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…