Два навуковыя аб’екты Беларусі прызнаны нацыянальным здабыткам

Два навуковыя аб’екты Беларусі прызнаны нацыянальным здабыткам. Адпаведнае рашэнне замацавана пастановай Савета Міністраў нумар 726 ад 28 верасня, паведамілі БЕЛТА ў прэс-службе беларускага ўрада. Рэспубліканскі банк тканак і клетак чалавека ДУ «Рэспубліканскі навукова-практычны цэнтр анкалогіі і медыцынскай радыялогіі імя М.М.Аляксандрава» і рэспубліканскі генетычны банк бульбы РУП «Навукова-практычны цэнтр Нацыянальнай акадэміі навук Беларусі па бульбаводстве і плодаагародніцтве» аб’яўлены навуковымі аб’ектамі, якія з’яўляюцца нацыянальным здабыткам.
БелТА