З жартаў, гумару і падарункаў пачаўся ў Дзятлаўскім цэнтры культуры і народнай творчасці святочны канцэрт, прымеркаваны да Дня жанчын – 8 Сакавіка.
Абаяльныя мужчыны вядучыя адзначылі, што ў гэты дзень ўсе жанчыны адчуваюць сябе дамамі сэрца, а мужчыны – доблеснымі рыцарамі. Першаму рашылі прадаставіць магчымасць прызнацца ў сваіх пачуццях жанчынам старшыні Дзятлаўскага райвыканкама Аляксандру Дубовіку. Ён пажадаў жанчынам быць заўжды прыгожымі і пяшчотнымі, любячымі і любімымі, моцнага здароўя, міру, аптымізму і згоды, дабрабыту, каб не ведалі гора і смутку, каб быў шчаслівым іх лёс, а кожны дзень быў святам, напоўненым любоўю і радасцю.
У святочнай і ўрачыстай абстаноўцы тром жанчынам Дзятлаўшчыны, якія нарадзілі і выхавалі пяць і больш дзяцей, ён уручыў ордэны Маці. Згодна з Указам Прэзідэнта Беларусі, гэтай узнагароды былі ўдастоены Алена Губко, Таццяна Кармазін, Таццяна Касцюк.
На працягу ўсяго канцэрта вядучыя думалі-гадалі, што ж лепш дарыць на свята жанчынам; разважалі, чаго хоча жанчына; выяснялі, якая ў жанчыне загадка. А хлопчыкі вядучыя спрачаліся, як лепш адсвяткаваць гэты дзень, як зразумець, што свята надышло, чым парадаваць мілых дам. Але ўсе пагадзіліся з тым, што гэта добрае, мілае, пяшчотнае свята і адно з самых любімых не толькі для жанчын, але і для мужчын.
Прыгожыя лірычныя песні і завадныя танцы дарылі ўсім прысутным на канцэрце жанчынам дарослыя артысты і юныя зорачкі Дзятлаўшчыны.
Святлана ГРЫШЫНА
Вольга ЮШКЕВІЧ
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…