Для галасавання на мясцовых выбарах створана 5870 участкаў

Выбары дэпутатаў мясцовых Саветаў 28-га склікання праходзяць сёння ў Беларусі, паведамляе БЕЛТА. Кандыдатамі ў дэпутаты зарэгістравана 22,2 тыс. чалавек. У агульнай колькасці паміж удзельнікамі кампаніі будзе размеркавана крыху больш за 18 тыс. мандатаў. Для галасавання на мясцовых выбарах створана 5870 участкаў, з якіх 250 – у санаторыях, прафілакторыях, дамах адпачынку, бальніцах і іншых арганізацыях аховы здароўя, якія аказваюць медыцынскую дапамогу ва ўмовах стацыянара, 17 – у воінскіх часцях. У спісы для галасавання ўключана 6 млн 929 тыс. 525 чалавек.
Маніторынг выбарчай кампаніі праводзяць 28 тыс. 624 нацыянальныя наглядальнікі, у ліку якіх прадстаўнікі палітычных партый, грамадскіх аб’яднанняў, працоўных калектываў. Акрамя таго, ЦВК акрэдытавала 46 міжнародных наглядальнікаў – супрацоўнікаў дыпламатычных прадстаўніцтваў, якія працуюць у Беларусі. Больш за ўсё іх накіравалі пасольствы Літвы, Расіі і ЗША.-
БЕЛТА