У Дзень вызвалення горада Дзятлава наш раён наведаў член Савета Рэспублікі Нацыянальнага сходу Рэспублікі Беларусь, дэпутат Гродзенскага абласнога Савета дэпутатаў Андрэй Жамойда.
Разам з кіраўніцтвам раёна ён пабываў у Дзятлаўскім гісторыка-краязнаўчым музеі на выставе выдатнага мастака-рэаліста Васіля Бортніка. Экспазіцыя з работамі нашага славутага земляга была адкрыта на Дзятлаўшчыне ў Дзень Незалежнасці Рэспублікі Беларусь і будзе працаваць на працягу месяца.
Дырэктар музея Вераніка Паўлоўская правяла для гасцей экскурсію, адкрыла старонкі біяграфіі дзеяча мастацтва, які нарадзіўся ў Казахстане, але яго жыццё было цесна звязана з вёскамі Ведравічы і Старына нашага раёна, у 1969-1975 гадах ён вучыўся ў Дзятлаўскай школе-інтэрнаце. Цяпер Васіль Міхайлавіч жыве ў Маскве, з’яўляецца членам саюза мастакоў Расіі, выстаўляецца ў галерэях па ўсім свеце, але ніколі не забывае край, які стаў яго малой радзімай. Краявіды нашых палёў, вясковых хат, храмаў і гаёў адлюстраваны ў работах творцы.
– Вялікі чалавек, таленавіты ва ўсім, нястомны працаўнік, які зрабіў свой важкі ўклад у сферу мастацтва, – ахарактарызаваў Васіля Бортніка старшыня райвыканкама Андрэй Садоўскі.
Ён расказаў, што Васіль Міхайлавіч – чалавек з вялікім сэрцам, які сёлета не толькі прывёз сваю выставу для дзятлаўчан, але і зрабіў неацэнны падарунак Дзятлаўскай дзіцячай школе мастацтваў – перадаў свае раннія работы, па якіх дзеці змогуць вучыцца асновам малюнка.
– Дзятлаўшчына – багатая зямля, якая падарыла свету многіх вядомых людзей, сярод іх – акадэмікі, спартсмены, палітычныя дзеячы. Вельмі слушна, што ў раёне захоўваюць інфармацыю аб іх, ладзяць сустрэчы, ушаноўваюць памяць тых, каго ўжо няма ў жывых. Імёны заслужаных дзеячаў ва ўрачыстай абстаноўцы заносяцца ў Кнігу Славы Дзятлаўшчыны. Ваш раён па праве ганарыцца сваімі землякамі, і гэта – важная частка захавання гістарычнай памяці, – адзначыў Андрэй Жамойда.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае
Дзятлаўскі раён стане першым у цыкле тэлеперадач тэлеканала “ВоенТВ” з рабочай назвай “У добры шлях”,…
Практыка ў раённай газеце – гэта новыя эмоцыі штодня. За два тыдні мне прыйшлося паспрабаваць…
Для ажыццяўлення агульнай каардынацыі дзейнасці дзяржаўных органаў, іншых арганізацый, службы “адно акно” Міністэрствам юстыцыі распрацавана…
Дзятлаўчане цікавяцца: ці прымае сёлета Дзятлаўскі філіял Гродзенскага аблспажыўтаварыства сезонную прадукцыю ад фізічных асоб і…
Ратаўнікі Беларусі – сапраўдныя прафесіяналы, мужныя, валявыя, рашучыя, адказныя. Яны супрацьстаяць стыхіі, абараняюць жыццё і…
Урожайность зерновых превышает прошлогоднюю по всем областям страны, сообщили в пресс-службе Министерства сельского хозяйства и…