Адбыліся чарговыя матчы адкрытага чэмпіянату горада Ліды па міні-футболе.
На мінулых выхадных дзятлаўская каманда “Граніт-Агра” правяла дзве гульні, вынік якіх быў прадвырашаны яшчэ да стартавага свістка з-за парушэння сапернікамі рэгламенту спаборніцтваў, – футбольным дружынам “Ліда-2” і “ЛЭС” было залічана тэхнічнае паражэнне з лікам 5 : 0. Аднак на радасць балельшчыкам і ўдзельнікам чэмпіянату матчы ўсё роўна адбыліся.
У першым матчы яшчэ да перапынку дзятлаўчане забілі шэсць мячоў. Дублямі адзначыліся Дзяніс Трафімчык і Аляксандр Шышня. У другой палове гульні лідчане трохі актывізаваліся і забілі два галы. Але наш зямляк Дзяніс Трафімчык і не думаў спыняцца на дасягнутым. Футбаліст паразіў вароты праціўніка яшчэ два разы і запісаў у свой актыў чатыры мячы, аформіў так званы “покер”.
Таксама свой уклад у бліскучы матч унеслі гульцы дзятлаўскай каманды Уладзімір Ганчар і Ігар Крагельскі. Як вынік, 10 : 6 – наперадзе дзятлаўчане. Наступная сустрэча была менш удалай: нашы футбалісты саступілі камандзе “ЛЭС” з лікам 7 : 4.
Тэхнічныя перамогі дазволілі “Граніт-Агра” наблізіцца да тройкі лідараў. Зараз мы займаем чацвёртае месца ў групе.
Вадзім ФІЛІПОЎСКІ
Фота з https://vk.com/lida_champ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Водные игры в необорудованных и несанкционированных местах крайне опасны. Непроверенное дно, скрытые коряги, водовороты и…
16 ліпеня з 14.30 да 16.30 у будынку Казлоўшчынскага сельвыканкама выязны прыём грамадзян правядзе начальнік…
9 ліпеня член Савета Рэспублікі Нацыянальнага сходу Рэспублікі Беларусь, дэпутат Гродзенскага абласнога Савета дэпутатаў Андрэй…
Пад такой назвай у Дзятлаўскай раённай бібліятэцы 9 ліпеня прайшоў дыялог пакаленняў, прысвечаны дню вызвалення…
Аляксандр Бургун, ваенны камісар Дзятлаўскага раёна: – У Дзень Перамогі мы ўзгадваем продкаў, якія адстаялі…
9 ліпеня каля помніка Героям Савецкага Саюза Яну Фогелю і Паўлу Пятрову ў гарадскім парку…