У Гезгалаўскай сельскай бібліятэцы прайшла патрыятычная гадзіна “Давайце ганарыцца, што мы – беларусы!”, прымеркаваная да 100-годдзя заснавання Беларускай Савецкай Сацыялістычнай Рэспублікі.
На мерапрыемства былі запрошаны выхаванцы аздараўленчага лагера “Зімовы гарадок” Гезгалаўскай сярэдняй школы. Прысутныя пазнаёміліся з гістарычнымі звесткамі стварэння БССР, якая стала асновай сённяшняй беларускай дзяржаўнасці. 100 гадоў БССР – гэта 100 гадоў адкрыццяў, дасягненняў, развіцця.
Навучэнцы чыталі вершы пра Беларусь, а Ксенія Шыкуць і Анастасія Жамайтук выканалі песні “Беларусь мая”, “Матуля Беларусь”, “Краіна мая – Беларусь”.
Марына ГРЭЦКАЯ,
бібліятэкар Гезгалаўскай сельскай бібліятэкі
