Цікавыя факты пра Дзятлаўскі раён. Вы ведаеце, што…

Першы партызанскі атрад, які быў створаны і дзейнічаў на  тэрыторыі нашага раёна, насіў назву Арлянскі.

Парэцкі спіртзавод самы старэйшы з заводаў, што працуюць на тэрыторыі раёна.

Дзятлаўскую сельгастэхніку, размешчаную ў вёсцы Міроўшчына, у першыя пасляваенныя гады ўзначальваў Адам Ляшчынскі.

Калгас “Расія” быў шырока вядомы ў часы існавання БССР сваімі поспехамі ў развіцці сельскай гаспадаркі.

Вядомы ў раёне, вобласці і БССР народны калектыў песні і танца “Рэчанька” быў створаны ў калгасе “Слава працы”.

На тэрыторыі Дзямянаўскага мясцовага лясніцтва размешчаны заказнік для белавежскіх зуброў.

Ураджэнец Дзятлаўшчыны Міхаіл Жалабоўскі быў удзельнікам ХІХ Алімпійскіх гульняў 1968 года ў Мехіка па лёгкай атлетыцы.

У 1900 годзе ў раёне працавала народнае вучылішча, якое затым было пераўтворана ў Яварскую сярэднюю школу.

Наш зямляк Іван Канус сусветна вядомы беларускі вучоны ў галіне медыцыны, доктар медыцынскіх навук, прафесар.

У 1947 годзе на возеры ў Дзятлаве працавала электрастанцыя.

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga