Жыхарка гарадскога пасёлка Казлоўшчына Вікторыя Куніцкая зусім нядаўна на першавераснёўскай лінейцы атрымлівала заслужаныя раённыя ўзнагароды за выратаванне на мясцовым возеры дзевяцігадовай дзяўчынкі.
На гэты раз падзякаваць Вікторыі ў Казлоўшчынскую сярэднюю школу прыехалі госці з абласнога цэнтра. Гэта былі вядучы спецыяліст Гродзенскай абласной арганізацыі АСВОД Юрый Палішчук і спецыяліст гэтага ж аб’яднання Аліна Кабылянская, да якіх на Дзятлаўшчыне далучыўся старшыня раённай арганізацыі АСВОД Сяргей Шпакоўскі.
Ушанавалі добры ўчынак дзевяцікласніцы ў прысутнасці яе сяброў па ўстанове і педагогаў на школьнай лінейцы. Вікторыя Куніцкая адзначана смарт-гадзіннікам і падзякай ад Гродзенскай абласной арганізацыі АСВОД, за выхаванне юнай гераіні ўзнагароду аб’яднання атрымала і яе матуля Анжаліка Валянцінаўна.
Яшчэ ў рамках Усерасійскай грамадска-дзяржаўнай ініцыятывы з міжнародным удзелам “Гарачае сэрца”, асноўнай мэтай якой з’яўляецца ўдзячнасць дзецям і маладым людзям да 23 гадоў, якія здзейснілі адважныя і мужныя ўчынкі, Вікторыя Куніцкая атрымала прапанову аб паездцы ў Маскву. У дзяўчынкі ёсць час падумаць і выказаць сваё жаданне.
Напрыканцы школьнай лінейкі Сяргей Шпакоўскі звярнуўся да педагогаў і навучэнцаў з заклікам не адпачываць і не гуляць каля вады без суправаджэння дарослых, не пакідаць дзяцей каля вадаёмаў без нагляду, бо, як паказаў нядаўні выпадак, стыхія не даруе памылак.
Ірына СТЫРНІК
Фотаздымкі арганізатараў
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga