Галоўнай агародніне на стале амаль кожнага беларуса – бульбе – было прысвечана свята, якое прайшло ў аграгарадку Гезгалы.
Госці мерапрыемства змаглі даведацца, адкуль пайшла назва «бульба», што яна можа вылечыць ад многіх хваробаў, з яе робяць яд для знішчэння насякомых, крухмал, пудру і многае іншае. Але самае галоўнае – колькі розных смачных страваў можна з яе прыгатаваць.
Сапраўдныя шэдэўры з бульбы, якія можна было паспрабаваць і ацаніць, прапанавалі гаспадыні з Казлоўшчыны, Круцілавічаў, Дварца, Наваельні і Гезгалаў.
Таксама ў час свята ладзілася выстава-конкурс вырабаў з агародніны, конкурсы “Самае крэатыўнае фота”, “Бульба-аб’ядзенне”. Пераможцы былі ўзнагароджаны дыпломамі.
З вясёлымі песнямі выступілі прафесійныя і самадзейныя артысты Дзятлаўшчыны.
Святлана ГРЫШЫНА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
