Будучыя афіцэры – прыклад дысцыпліны, патрыятызму і мэтанакіраванасці

Навучэнцы гімназіі № 1 горада Дзятлава прынялі ўдзел у дні адчыненых дзвярэй, арганізаваным на ваенным факультэце Гродзенскага дзяржаўнага ўніверсітэта імя Я. Купалы. Гэта ўнікальная магчымасць пазнаёміцца з жыццём і навучальным працэсам будучых афіцэраў. Мерапрыемства сабрала больш за 250 старшакласнікаў з усёй вобласці.

Навучэнцы прайшлі па вучэбных аўдыторыях, лабараторыях і казарменных памяшканнях, дзе курсанты жывуць і вучацца. Наведвальнікам паказалі ўзоры сучаснай ваеннай формы, абмундзіравання і ўзбраення, якія выкарыстоўваюцца ў навучальным працэсе. Школьнікі змаглі апрабаваць свае сілы на інтэрактыўных трэнажорах, якія імітуюць рэальныя баявыя ўмовы, убачыць вучэбныя ўзоры стралковага ўзбраення, уключаючы аўтаматы, пісталеты і гранатамёты.

Курсанты правялі паказальныя заняткі, прадэманстравалі навыкі страявой падрыхтоўкі, тактычных дзеянняў і работы з абсталяваннем. На адкрытай пляцоўцы прайшлі міні-спаборніцтвы, у якіх маглі паўдзельнічаць і госці – падцягванне, зборка-разборка аўтамата.

Таксама школьнікі атрымалі падрабязную інфармацыю аб напрамках падрыхтоўкі, умовах паступлення і перспектывах службы ва Узброеных Сілах Рэспублікі Беларусь. Выкладчыкі і кіраўніцтва факультэта падрабязна расказалі пра патрабаванні да абітурыентаў, этапы ўступнай кампаніі, пералік неабходных дакументаў, тэрміны падачы заяваў, магчымасцях далейшага размеркавання і кар’ернага росту. Асаблівую ўвагу надалі пытанням медыцынскага адбору і фізічнай падрыхтоўкі, якія з’яўляюцца ключавымі пры паступленні на ваенны факультэт.

Па словах гімназістаў, наведванне факультэта стала важным крокам ва ўсведамленні будучага прафесійнага шляху. Некаторыя з іх задумаліся аб ваеннай кар’еры, натхніўшыся прыкладам курсантаў і атмасферай дысцыпліны, патрыятызму і мэтанакіраванасці.

Мікалай ГУБКО,
кіраўнік па ваенна-патрыятычным выхаванні

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#нашелучшее #нашалепшае