20 кастрычніка ў гарадскім скверы на перасячэнні вуліц Чырвонаармейскай, Кастрычніцкай і Першамайскай Дзятлаўчане з розных арганізацый высадзілі каля 200 кустоў.
У азеляненні гарадскога сквера прынялі ўдзел работнікі Дзятлаўскага РУП ЖКГ пад кіраўніцтвам намесніка дырэктара жылкамунгаса Віктара Дзедуля, першы сакратар і галоўны бухгалтар раённага камітэта грамадскага аб’яднання “Беларускі рэспубліканскі саюз моладзі” Кацярына Хілімончык і Наталля Маркава, навучэнцы сярэдняй школы № 1 горада Дзятлава разам са сваёй настаўніцай Таццянай Пазняк, начальнік і галоўны спецыяліст Дзятлаўскай раённай інспекцыі прыродных рэсурсаў і аховы навакольнага асяроддзя Дзмітрый Балькоўскі і Андрэй Лявончык.
Карэспандэнт газеты “Перамога” пацікавіўся ў тэхніка па азеляненні жылкамунгаса Алены Мастыка, як праходзіць высадка кустоў сёлета:
– Кожны год садзім як кусты, так і дрэвы – стараемся чаргаваць. Сёння мы высадзілі каля 200 кустоў: спірэі і вяйгелы, якія прыгожа цвітуць, і дэкаратыўна—ліставыя – пузыраплоднікі. Таксама нам удалося зрабіць жывую агароджу, якая не толькі ўпрыгожыць месца адпачынку многіх гараджан, але і створыць цень у гарачыя летнія дні. Хачу падзякаваць усім, хто сёння прымаў удзел у азеляненні гарадскога сквера – мы зрабілі вялікую справу для нашага любімага горада. У сваю чаргу, заклікаю дзятлаўчан беражліва ставіцца да прыроды.
Вадзім ФІЛІПОЎСКІ
Фота аўтара
Подписывайтесь на телеграм-канал «Гродно Медиа Group» по короткой ссылке @GrodnoMediaGroup
Сёлета ва ўстановах адукацыі Дзятлаўшчыны ўкаранёна новая форма аказання дапамогі і падтрымкі навучэнцам – “Пошта…
У Год беларускай жанчыны асабліва прыемна адзначаць поспехі тых, хто сваім талентам, адданасцю і шчырай…
На Дзятлаўшчыне прайшоў семінар-нарада па ўмовах і ахове працы, накіраваны на прафілактыку вытворчага траўматызму, для…
10 чэрвеня пляцоўка каля Дварэцкага дома культуры ператварылася ў сапраўдны кірмаш талентаў, спартыўнага запалу і…
10 чэрвеня Дзятлаўшчыну з рабочым візітам наведаў міністр жыллёва-камунальнай гаспадаркі Рэспублікі Беларусь Генадзь Трубіла. Ён…
Сёння на стадыёне “Колас” сабраліся самыя актыўныя, спартыўныя выхаванцы аздараўленчых летнікаў на раённую спартландыю “Звонкія…