У Хвінявіцкай сярэдняй школе і Новаяльнянскай сярэдняй школе імя А. А. Шаўчук прайшлі сустрэчы старшыні раённага аддзялення Беларускай партыі “Белая Русь” Аляксандра Бараноўскага з калектывамі ўстановаў.
Разам з начальнікам аддзела ідэалагічнай работы і па справах моладзі райвыканкама Вольгай Рагачовай яны выканалі прыемную місію – уручылі білеты новым членам партыі.
– У Рэспубліцы Беларусь зарэгістраваны чатыры партыі, самая маладая з іх – “Белая Русь”, – адзначыў Аляксандр Станіслававіч. – Яе мэты і задачы – умацаванне ўлады нашага Прэзідэнта, садзейнічанне аб’яднанню прагрэсіўных сіл, зацікаўленых у пабудове моцнай краіны, сацыяльна справядлівага грамадства. Партыя, у якую вы ўступаеце, на правільных пазіцыях. З кожным годам наша краіна развіваецца, мы жывём мірна, і ў гэтым заслуга, у першую чаргу, нашага кіраўніка дзяржавы.
Віншую вас з прыняццем правільнага рашэння, актыўна ўключайцеся ў дзейнасць партыі. Моцнага здароўя, сямейнага дабрабыту, працоўных поспехаў.
Святлана ГРЫШЫНА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае
